كيىم يمپورتى قىسقاردى

استانا. قازاقپارات - كۇن سۋىتتى. قار جاۋا باستادى. ءبىراق قازاقستاندىقتار پالتو مەن كۇرتەشە الۋعا اسىقپايدى. بيىل اتالعان ونىمدەردىڭ يمپورتى %24، ياعني 5,5 مىڭ تونناعا دەيىن ازايعان.

ادەتتە سىرتقى كيىمدى قىتاي، ميانما، يندونەزيا، يتاليا جانە ۇلى بريتانيادان الامىز. كيىم-كەشەك دەمەكشى، تۇركيا مەن قىتاي يمپورتى ءبىرشاما تومەندەگەن. جالپى العاشقى جارتى جىلدا ەلگە 85 مىڭ توننا شەتەلدىك كيىم جەتكىزىلىپتى. بۇل بىلتىرعى كەزەڭنەن  از. باس-اياعى 702 ميلليون دوللارعا كيىم-كەشەك يمپورتتادىق. ونىڭ باسىم بولىگى وزبەكستان، قىتاي جانە تۇركيادان جەتكەن.

كاسىپورىنداردىڭ دەنى تىگىنمەن اينالىسادى

ەلدە جەڭىل ونەركاسىپپەن 1400 كاسىپورىن اينالىسادى. �- تەن استامى شاعىن وشاقتار. كاسىپورىنداردىڭ باسىم بولىگى تىگىنمەن، توقىما جانە كيىم وندىرىسىنە باعىتتالعان. قازىر ەلدە ءوندىرىستى ارتتىرۋ، ينۆەستيتسيا تارتۋ، الەمدىك تاجىريبەنى ەنگىزىپ، ەكسپورتتى دامىتۋ بويىنشا جول كارتاسى ىسكە اسىپ جاتىر.

بيىل 300 مىڭ توننا ماقتا جينالادى

تۇركىستان - ەلدەگى ماقتا وسىرەتىن جالعىز ءوڭىر. 25 مىڭ اگروقۇرىلىمدا 70 مىڭعا جۋىق شارۋا ەڭبەك ەتەدى. وبلىستا جىل سايىن 100 مىڭ گەكتارعا داقىل ەگىلىپ، 300 مىڭ توننادان استام ءونىم جينالادى. ماقتا ساپاسىن جاقسارتۋ ماقساتىندا بيىل 2,5 مىڭ گەكتار القاپقا جاڭا ءتاسىل ەنگىزىلگەن. ال ماقتا تالشىعىن 3 كاسىپورىن عانا تەرەڭ وڭدەيدى. قايتا وڭدەلگەن ءونىم كولەمى - تەن اسپايدى.

بىلتىر ماقتا شارۋاشىلىعى مەن ماقتا-توقىما كلاستەرىن قولداۋدىڭ 2027 -جىلعا دەيىنگى وڭىرلىك جول كارتاسى بەكىتىلگەن. ونىڭ اياسىندا ەگىستىكتى ءارتاراپتاندىرۋ، تۇقىممەن قامتاماسىز ەتۋ، جاڭا تەحنولوگيالاردى ەنگىزۋ، 9 ماقتا كلاستەرىن قۇرۋ بويىنشا اۋقىمدى جۇمىس جۇرگىزىلەدى. قازىر ايماقتا ق ح ر جانە وزبەكستان ينۆەستورلارىنىڭ قاتىسۋىمەن 223 ميلليارد تەڭگەدەن اساتىن 2 ينۆەستيتسيالىق جوبا جۇزەگە اسىپ جاتىر.

نۇربەك بادىراقوۆ، تۇركىستان وبلىسى اۋىل شارۋاشىلىعى باسقارماسىنىڭ باسشىسى:

- اۋىل شارۋاشىلىعىن ءارتاراپتاندىرۋ اياسىندا ماقتا داقىلدارى 106 مىڭ گەكتارعا ورنالاستىرىلدى. ماقتا داقىلىن جيناۋ ناۋقانى وسى ايدىڭ سوڭىندا جاپپاي باستالادى. جالپى 28 سەنتنەردەن 300 مىڭ توننا شيتتى ماقتا جيناۋ جوسپارلانىپ وتىر.

وتاندىق ماقتانىڭ ساپاسى ارتادى

تۇركىستان وبلىسىنىڭ ساۋران اۋدانىندا بىرنەشە ماقتا - توقىما كلاستەرى قۇرىلادى. وسىلايشا ەكسپورتتىق باعاعا تاۋەلدىلىكتەن ارىلۋ كوزدەلەدى. سەبەبى سالاداعى نەگىزگى تۇيىتكىل - ونىڭ تۇراقسىزدىعى. ءارى وتاندىق ماقتا تالشىعىنىڭ ساپاسى تومەن. بۇل الەمدىك نارىقتاعى سۇرانىسقا اسەر ەتىپ وتىر. ولقىلىقتىڭ ورنىن تولتىرۋ ءۇشىن شارۋالار جاڭا تەحنولوگيانى قولدانا باستادى. تىڭ ءادىس ارقىلى دالدىكپەن ەگىلگەن شيت تۇقىمى تەز ءوسىپ، جەتىلەدى. ال تامشىلاتىپ سۋارۋدىڭ ناتيجەسىندە ونىمدىلىك 2,5 ەسە ارتادى. وسى ماقتانى تەرەڭ وڭدەيتىن كوپسالالى كەشەندەر مەن كاسىپورىندار قۇرۋ جوسپارى بار. دايىن ءونىمدى ەكسپورتقا شىعارادى. بۇعان قوسا، جۇقا ماتادان جاسالعان كيىمدەر مەن جوعارى ساپالى توقىما بۇيىمدارىن ءوندىرۋ كوزدەلەدى. قازىردىڭ وزىندە وتاندىق ماقتا مەن ماقتا ونىمدەرى تۇركيا، قىتاي، رەسەي مەن بەلارۋسكە ەكسپورتتالادى.

24.kz