كيىك ەتىن ساتىپ تۇرعان قالا تۇرعىنى ۇستالدى
قىزىلوردا. KAZINFORM - قىزىلوردا قالاسىندا «براكونەر» ءىس-شاراسى بارىسىندا كيىك ەتىن ساتىپ تۇرعان قالا تۇرعىنى ۇستالدى.
قىزىلوردا قالاسىندا «براكونەر» جەدەل پروفيلاكتيكالىق ءىس-شاراسى وتكىزىلىپ جاتىر. بۇل ماقساتتا ارنايى قىزىلوردا قالالىق پوليتسيا باسقارماسىنان موبيلدىك توپ قۇرىلعان.
«ءىس-شارا بارىسىندا تابيعاتتى قورعاۋ ينسپەكتورى باعىت-باعدار ارالاۋ بارىسىندا اباي داڭعىلى كوشەسىنىڭ بويىندا دۇڭگىرشەكتىڭ جانىندا كيىك ەتى ساتىلىپ جاتقانىن انىقتادى. ايعاق زات تاركىلەندى. اتالعان ءىس بويىنشا سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر. قىزىلوردا قالاسى پوليتسيا باسقارماسىنىڭ اڭ، بالىق اۋلاۋ جانە اعاشتار مەن بۇتالاردى كەسۋ تالاپتارىن بۇزۋ، قورشاعان ورتاعا ەلەۋلى زيان كەلتىرۋ ارەكەتى ق ر زاڭناماسىنا سايكەس اكىمشىلىك جانە قىلمىستىق جاۋاپكەرشىلىككە تارتۋعا اكەلىپ سوقتىراتىن ەسكەرتەدى»، - دەپ ءمالىم ەتتى قىزىلوردا قالالىق پوليتسيا باسقارماسىنان.
ەسكە سالساق، بۇدان بۇرىن قىزىلوردا وبلىسىندا جۇرتتى قورقىتىپ، مۇلىك، اقشا تالاپ ەتكەن ادۆوكات 5 جىلعا سوتتالدى.