- بيۋدجەتتىك جوسپارلاۋ، قازىناشىلىق اتقارۋ، مەملەكەتتىك اكتيۆتەردى باسقارۋ جانە اۋديت -بارلىعى ءبىرىڭعاي سيفرلىق جۇيەگە قوسىلۋعا ءتيىس. زاڭ بۇزۋ دەرەكتەرىن انىقتالعاننان كەيىن عانا تىركەمەي، ولاردىڭ الدىن الۋعا كوشۋ كەرەك. ال بيۋدجەت قاراجاتى مەن مەملەكەتتىك اكتيۆتەرگە قاتىستى شەشىمدەر بولجامدى تالداۋ نەگىزىندە قابىلدانۋى كەرەك،-دەدى و. بەكتەنوۆ.
ونىڭ ايتۋىنشا، سيفرلىق تەڭگە وسى جۇيەدەگى قۇرالداردىڭ بىرىنە اينالىپ، بيۋدجەت قاراجاتىنىڭ تولىق قاداعالانۋىن جانە سمارت-كەلىسىمشارتتاردى قولدانۋدى قامتاماسىز ەتۋى قاجەت.
- تۇپتەپ كەلگەندە، ءبىز تولەم جاسالعاننان كەيىنگى باقىلاۋدان تىكەلەي تولەم ساتىندەگى باقىلاۋعا كوشۋگە ءتيىسپىز. ازاماتتار مەن بيزنەس ءۇشىن سالىق سالاسىنداعى اكىمشىلەندىرۋ بارىنشا بايقالمايتىن ءارى سەرۆيستىك سيپاتقا يە بولۋى كەرەك. مەملەكەتتە قازىردىڭ وزىندە دەرەكتەردىڭ ەداۋىر كولەمى بار، سوندىقتان سالىقتار اۆتوماتتى تۇردە ەسەپتەلىپ، ەسەپتىلىكتى الدىن الا تولتىرۋ قاجەت. باقىلاۋ ادال جۇمىس ىستەيتىن بيزنەسكە ەمەس، ەڭ الدىمەن، ناقتى تاۋەكەلدەرگە باعىتتالۋعا ءتيىس. قارجى مينيسترلىگى ەكى اي مەرزىمدە مەملەكەتتىك دەرەكتەر مەن تاۋەكەلدەردى باعالاۋ مودەلدەرى نەگىزىندە اۆتوماتتى تۇردە شەشىم قابىلداۋعا بولاتىن باسىم بيۋدجەتتىك، سالىق جانە باقىلاۋ پروتسەستەرىن ايقىنداپ، ولاردى ناقتى ىسكە اسىرۋعا كىرىسسىن،-دەدى ۇكىمەت باسشىسى.