كيريلل گەراسيمەنكو ۇستەل تەننيسىنەن پاريج وليمپياداسىنا جولداما الدى

استانا. KAZINFORM - ۇستەل تەننيسىنەن قازاقستان كومانداسىنىڭ كوشباسشىسى كيريلل گەراسيمەنكو جازعى وليمپيادا ويىندارىنىڭ ليتسەنزياسىنا يە بولدى.

ۇلتتىق وليمپيادالىق كوميتەتتىڭ مالىمەتىنشە، ول ىرىكتەۋ كەزەڭدەرىندە جيناعان ۇپايى بويىنشا پاريجدە وتەتىن ءتورتجىلدىقتىڭ باستى دوداسىنا جولداما يەلەنگەن.

قازاقستاندىق تەننيسشى حالىقارالىق ۇستەل تەننيسى فەدەراتسياسىنىڭ جاڭارتىلعان رەيتينگىندە قۇرلىقتا جولداما الماعان سپورتشىلار اراسىندا ءبىرىنشى ورىندا تۇر.

ايتا كەتۋ كەرەك، گەراسيمەنكو مانسابىندا ءۇشىنشى رەت وليمپيادا ويىندارىنا بارۋعا مۇمكىندىك الىپ وتىر. سپورتشى ريو-2016 جانە توكيو-2020 وليمپياداسىنا قاتىسقان.