استانا. KAZINFORM - ۇيىمداسقان قىلمىستىق توپ مۇشەسى ەلدوس قوسپايەۆ پەن ونىڭ سىبايلاستارىنا قاتىستى تەرگەۋ امالدارى اياقتالدى. بۇل تۋرالى ق ر قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ ايتتى.
«وعان قاتىستى تەرگەۋ اياقتالدى. قازىرگى كەزدە ءىس ماتەريالدارىمەن تانىسۋ ءجۇرىپ جاتىر. تانىسۋ اياقتالعان سوڭ ءىس سوتقا جولدانادى»، - دەدى ج. ەلەمەسوۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.
ەسكە سالساق، ۇلتتىق قاۋىپسىزدىك كوميتەتى 2023-جىلعى 6- قىركۇيەكتەگى وپەراتسياسىنىڭ قورىتىندىسى بويىنشا سولتۇستىك كيپردەن قازاقستانعا ەلدوس قوسپايەۆ جانە ول باستاعان قىلمىستىق توپتىڭ 7 مۇشەسىن جەتكىزگەن بولاتىن.
قىلمىستىق توپ كۇش قولدانىپ، قوقان-لوققى جاساپ، كاسىپكەرلەردىڭ مۇلكىن باسىپ الۋ، سونداي-اق الماتى قالاسى مەن الماتى وبلىسى اۋماعىندا كولەڭكەلى كاسىپكەرلىكتى جۇزەگە اسىردى دەگەن كۇدىككە ىلىنگەن.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.