كينوپرەمەرالار: ەلىمىزدىڭ كينوتەاترلارىندا نە كورۋگە بولادى

اپتا سايىن كينوكورەرمەن جاڭا پرەمەرانى اسىعا كۇتەدى. تاياۋ كۇندەرى قانداي فيلمدەر ۇسىنىلاتىنىن Kazinform اگەنتتىلىگىنىڭ ءتىلشىسى انىقتاپ ءبىلدى.

ءانشى ديماش قۇدايبەرگەننىڭ استانادا وتكەن كونسەرتىن قازاقستاندىقتار ەندى كينوتەاتردان تاماشالاي الادى. سول كەزدەگى كونسەرتكە 40 مىڭ كورەرمەن جينالدى. ونىڭ 10 مىڭنان استامى الەمنىڭ ءار تۇكپىرىنەن كەلگەن جانكۇيەر. كورەرمەن ۇمىتىلماس كۇندەگى بىرەگەي شوۋعا نەگىزدەلگەن مۋزىكالىق فيلمدى ۇلكەن ەكراننان تاماشالاۋعا مۇمكىندىك الدى.

«وستروۆ. ۇمىتىلماس ساياحات»

قازاقستاندىق كومەديا جومارت پەن ونىڭ سەرىكتەسى جايلى. وقيعا تايلاندتا ءوربيدى. ونىڭ مىندەتى اسا ءىرى كولەمدە مەملەكەت قارجىسىن جىمقىرعان قۇرىلىس كومپانياسىنىڭ بۇرىنعى ديرەكتورىن جازاعا تارتۋ. بۇرىنعى باسشىنى تابۋ وڭايعا سوققان جوق. باستى كەيىپكەردى كوپ كەدەرگى كۇتىپ تۇر. ۋلى جاندىكتەن باستاپ جەرگىلىكتى باسبۇزارلارعا دا كەزىگەدى.

«كاراتە- بالا: اڭىزدار»

دجەكي چان تۇسكەن سپورتتىق كينو كۋنگ- فۋ جارىسىندا جەڭىسكە جەتكەن امەريكالىق بالا مەن وعان كومەكتەسكەن قارت شەبەر جايلى.

«فينيكي سىزباسى»

بەنيسيو دەل تورونىڭ باسىنان كەشكەن وقيعالارىن كورۋگە بولادى. مۇندا اكەسى مەن قىزىنىڭ وتباسىلىق بيزنەستەگى قۇپياسى، تىڭشىلىق تۋرالى باياندالادى. سيۋجەتى قۇپياعا تولى ءارى توسىن جايت ارباپ الادى.

«جەلدەن جۇيرىك»

ەۋروپالىق سپورتتىق درامادا كولىكپەن جارىساتىن ماكس تۋرالى باياندالادى. ول بىردە سپورتتان كەتىپ، وزگە جۇمىستى تاڭدايدى. الايدا تاعدىر ول قىزدى اكادەمياعا تۇسۋگە كومەكتەسەتىن، الەمنىڭ ۇزدىك سپورتشىلارىن دايىندايتىن كولىك جۇرگىزۋشىسىنە كەزىكتىرەدى. ماكس مەكتەپتە ۋيللمەن تانىسىپ، ءاپ ساتتە ەكەۋىنىڭ اراسىندا سەزىم وتى تۇتانادى. «فورمۋلا 1» چەمپيونى اتاعىنا تىم جاقىن قالعاندا ۋيلل كۇتپەگەن باسەكەلەسى اتانادى. ماكستىڭ شەشىمى قالاي بولادى؟ ول ماحابباتتى الدە جەڭىستى تاڭداۋى ءتيىس.

«دەنيستىڭ اڭگىمەلەرى»

جەز كەلدى، دەنيس كورابليەۆ ءۇشىن ءتۇرلى حيكاياعا تولى شاق باستالدى. اجەسى باستاعان توپ ءۇش اي دەمالىستى ساياجايدا، تازا اۋادا وتكىزۋگە شەشىم قابىلدايدى. سول كەزدە دەنيس جاڭا دوستار تابادى، العاش رەت عاشىق بولادى. سول ساتتە ماحاببات حيكاياسى باستالادى.

«جازالاۋ ويىنى»

بۇل روبەرت دە نيرو تۋرالى امەريكاندىق كينو. بوكۋشي قامال سالىپ، ونىڭ ءىشىن قارۋ- جاراققا تولتىرادى. ۇكىمەت بولسا سول ۇيىمعا كىرىپ، ونىڭ جوسپارىن بىلمەككە ءتۇرلى امال ويلايدى. بىرنەشە رەت وقتالعانىمەن، ناتيجە بولمادى. سول كەزدە بۇرىنعى ارنايى جاساق نەش كاۆانوعا ۇسىنىس بەرەدى. ول بوكۋشيدىڭ شاكىرتى. نەش كاۆانو ءبىر كەزدەرى سۇيىكتىسىن تارتىپ العان ادامنان كەك الار شاقتىڭ كەلگەنىن كورىپ، كەلىسەدى.

 

التىناي ساعىندىقوۆا