ۇكىمەتتە بۇگىن كوشى-قون ساياساتى تالقىلانادى
استانا. KAZINFORM - بۇگىنگى ۇكىمەت وتىرىسىندا تاۋ- كەن ونەركاسىبىن دامىتۋ جانە سيفرلاندىرۋ، كوشى-قون ساياساتىن جەتىلدىرۋ ماسەلەلەرى قارالادى.
ۇكىمەتتىڭ رەسمي مالىمەتى بويىنشا، 2024 -جىلى تاۋ-كەن مەتاللۋرگيا كەشەنىنىڭ ەل ەكونوميكاسىنا قوسقان ۇلەسى %6,9 بولعان. سالادا 110 مىڭنان استام ادام جۇمىس ىستەيدى.
ال بيىلعى 6 ايدا تاۋ- كەن ونەركاسىبى جوعارى ءوسۋ قارقىنىن ساقتاپ قالعان. ءوسىم قارقىنى - %8,4. ال مەتال كەندەرىن ءوندىرۋ تەك %0,3 عانا وسكەن.
ەكونوميكانىڭ بارلىق سالاسى سياقتى تاۋ- كەن ونەركاسىبىن تسيفرلاندىرۋ دا ماڭىزدى باسىم باعىتقا اينالىپ وتىر. بۇل وندىرىستەگى ەڭبەك قاۋىپسىزدىگىن جەتىلدىرىپ قانا قويماي، ءتۇرلى كولەڭكەلى سحەمالاردىڭ جولىن كەسۋگە، سالاداعى ەڭبەك ونىمدىلىگىن ارتتىرۋعا جول اشاتىن تەتىك بولىپ ەسەپتەلەدى.
ۇكىمەت وتىرىسىندا قارالاتىن ەكىنشى ماسەلە - كوشى-قون ساياساتى. ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆانىڭ ايتۋىنشا، 2025 -جىلى شەتەلدىك جۇمىس كۇشىن تارتۋعا ارنالعان كۆوتا 16,5 مىڭ كولەمىندە بەلگىلەنىپ، 6 ايدا سونىڭ 14,2 مىڭى يگەرىلگەن.
ۇلتتىق ستاتيستيكا بيۋروسىنىڭ مالىمەتى بويىنشا، جىلدىڭ 5 ايىندا قازاقستان حالقى 69,8 مىڭ اداممەن تولىققان. ونىڭ 6,3 مىڭى كوشى-قون ەسەبىنەن كەلگەن.
حالىق سانىنىڭ ەڭ جوعارى ءوسۋ قارقىنى ەلوردادا تىركەلىپ وتىر. جىل باسىنان بەرى 29,7 مىڭ ادام استانالىق اتانعان. ونىڭ x,3 ى كوشى-قون ەسەبىنەن.
جالپى بيىل كوشى-قوننىڭ وڭ سالدوسى الماتى جانە ماڭعىستاۋ وبلىستارىندا، استانا، الماتى، شىمكەنت قالالارىندا بايقالعان.
پرەمەر-ءمينيستردىڭ ءبىرىنشى ورىنباسارى رومان سكليار بۇعان دەيىنگى باسپا ءسوز ءماسليحاتىندا قازاقستاننىڭ ءىرى قالالارىنا اۆتوكولىكتەردىڭ كىرۋىن شەكتەۋ ازىرگە جوسپارلانىپ وتىرماعانىن ايتقان ەدى.
وتىرىس قورىتىندىسى بويىنشا ونەركاسىپ جانە قۇرىلىس ۆيتسە- ءمينيسترى ولجاس ساپاربەكوۆتىڭ قاتىسۋىمەن باسپا ءسوز ءماسليحاتى وتەدى.
باسپا ءسوز ءماسليحاتى ۇكىمەتتىڭ YouTube رەسمي ارناسى مەن Facebook الەۋمەتتىك جەلىسىندە تىكەلەي ەفيردە كورسەتىلەدى.
بۇعان دەيىن Kazinform سيرەك مەتالل قازاقستان ءۇشىن ەكىنشى مۇناي بولۋى مۇمكىن دەگەن دامەلى بولجامدارعا تالداۋ جاساعان بولاتىن.
اۆتور
ەسىمجان ناقتىباي