ۇكىمەت ينفلياتسيانى تەجەۋ بويىنشا كەشەندى ءىس-شارالار ازىرلەدى

استانا. KAZINFORM - ۇكىمەت ينفلياتسيانى تەجەۋ بويىنشا كەشەندى ءىس- شارالار ازىرلەدى. بۇل تۋرالى پارلامەنت پالاتالارىنىڭ بىرلەسكەن وتىرىسىندا ۇلتتىق بانك ءتوراعاسى تيمۋر سۇلەيمەنوۆ ايتتى.

- مەملەكەت باسشىسى ينفلياتسيانى تەجەۋ بويىنشا كەشەندى ءىس- شارالار ازىرلەۋدى تاپسىرعان ەدى. بۇل تاپسىرما ۇكىمەت پەن ۇلتتىق بانككە بەرىلدى. بازالىق قۇجات دايىن. تاياۋ ۋاقىتتا ونى ۇكىمەتتىڭ ىشىندە قاراستىرامىز دەپ ۇمىتتەنەمىن. سودان كەيىن جاريا ەتىلەدى. بۇل بارىنشا ماڭىزدى ماسەلە. ءبىز ينفلياتسيانى تومەندەتۋ ماسەلەسىن شەشۋ ءۇشىن بارلىق كۇش-جىگەرىمىزدى جۇمسايمىز، - دەدى تيمۋر سۇلەيمەنوۆ دەپۋتاتتاردىڭ ساۋالىنا وراي.

ونىڭ اتاپ وتۋىنشە، رەسەي - قازاقستاننىڭ نەگىزگى ساۋدا سەرىكتەستەرىنىڭ ءبىرى. بۇل ەلدەن كەلەتىن يمپورتتىڭ كولەمى 30 پايىزدان اسادى.

- ازىق-تۇلىكتىڭ 45 پايىزىن رەسەيدەن يمپورتتاپ وتىرمىز. سوندىقتان ول جاقتىڭ ەكونوميكاسىنا، باعا پارامەترلەرىنە قاراماساق بولمايدى. ال ول جاقتا نە بولىپ جاتىر؟ ينفلياتسياسى شامامەن 10 پايىز. بۇعان قوسا رۋبل باعاسى جىل باسىنان بەرى دوللارعا، ەۋرو مەن تەڭگەگە قارسى 30 پايىز شاماسىندا كۇشەيدى. دەمەك، تاۋار باعاسى قىمباتتاي ءتۇستى، - دەدى ول.

ايتا كەتەيىك، ۇكىمەت ۇيىندە پارلامەنت پالاتالارىنىڭ بىرلەسكەن وتىرىسى ءوتىپ جاتىر.