ۇكىمەت پەتروپاۆلدا اۆتوجول وتپەسىن سالۋعا 2,9 ميلليارد تەڭگە ءبولدى
استانا. KAZINFORM – ق ر پرەمەر-ءمينيسترى ولجاس بەكتەنوۆتىڭ سولتۇستىك قازاقستان وبلىسىنا جۇمىس ساپارى بارىسىندا بەرگەن تاپسىرمالارىن ىسكە اسىرۋ ماقساتىندا پەتروپاۆل قالاسىندا اپاتتى جول وتپەسىنىڭ قۇرىلىسىن اياقتاۋعا 2,9 ميلليارد تەڭگە ءبولۋ تۋرالى ۇكىمەت قاۋلىسى قابىلداندى.
اتالعان جوبانىڭ قالا ءۇشىن ماڭىزى زور، ويتكەنى 1961 -جىلى سالىنعان اۆتوجول وتپەسى اپاتتى جاعدايدا.
تەمىرجول ماگيسترالى قالانى ەكى بولىككە بولەدى، كاراۆاننايا كوشەسىندەگى اۆتوجول وتپەسىنەن كۇن سايىن 16 مىڭعا جۋىق اۆتوكولىك قاتىنايدى، اۋداندار مەن وبلىس ورتالىعى اراسىنداعى كولىك پەن جاياۋ جۇرگىنشىلەردىڭ قوزعالىسىن قامتاماسىز ەتەدى. ونىڭ شاعىن ولشەمى مەن كولىك اعىنىنىڭ جوعارى قارقىندىلىعىنا بايلانىستى اتالعان اۆتوجول وتپەسىندە كولىك قوزعالىسىن شەكتەمەي جوندەۋ جۇمىستارىن جۇرگىزۋ مۇمكىن ەمەس، بۇل قالا تۇرعىندارى ءۇشىن قولايسىزدىق تۋدىرۋى مۇمكىن.
وسىعان بايلانىستى، ۋنيۆەرسالنايا كوشەسىنىڭ بويىندا بۇرىننان بار جولمەن قاتارلاستىرا جاڭا جول وتپەسىن سالۋ تۋرالى شەشىم قابىلداندى. جوبانىڭ جالپى قۇنى 5,9 ميلليارد تەڭگەنى قۇرايدى، ونىڭ ءبىر بولىگى جەرگىلىكتى بيۋدجەتتەن قارجىلاندىرىلعان.
ايتا كەتۋ كەرەك، وسى جىلدىڭ ناۋرىز ايىندا س ق و- عا جۇمىس ساپارى بارىسىندا پرەمەر-مينيستر جول وتپەسىنىڭ قۇرىلىس الاڭىنا بارىپ، جۇمىس بارىسىمەن تانىستى. نىساننىڭ ماڭىزدىلىعى تۋرالى ايتا كەلە، ولجاس بەكتەنوۆ جول-كولىك ينفراقۇرىلىمىن دامىتۋ ۇكىمەت جۇمىسىنىڭ باسىمدىقتارىنىڭ ءبىرى ەكەنىن اتاپ ءوتتى. نىساننىڭ ماڭىزدىلىعى تۋرالى ايتا كەلە، ولجاس بەكتەنوۆ جول-كولىك ينفراقۇرىلىمىن دامىتۋ ۇكىمەت جۇمىسىنىڭ باسىمدىقتارىنىڭ ءبىرى ەكەنىن اتاپ ءوتتى.
اۆتور
ەربول جانات