ۇكىمەت پرەزيدەنت جولداۋىن ىسكە اسىرۋ جوسپارىن ماقۇلدادى

استانا. KAZINFORM - بۇگىن ۇكىمەت وتىرىسىندا مەملەكەت باسشىسى قاسىم-جومارت توقايەۆتىڭ قازاقستان حالقىنا جولداۋىن جۇزەگە اسىرۋ جونىندەگى جالپى ۇلتتىق ءىس-شارالار جوسپارى ماقۇلداندى.

پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعاريننىڭ ايتۋىنشا، پرەزيدەنتتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى سيفرلىق وزگەرىستەر ارقىلى شەشۋ» اتتى قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق ءىس-شارالار جوسپارى مىنانداي 8 باعىت بويىنشا 87 ءىس-شارادان تۇرادى:

ينۆەستيتسيالىق ساياسات جانە قارجى سەكتورىن دامىتۋ؛

ونەركاسىپتىك نەگىزدى نىعايتۋ؛

اۋىل شارۋاشىلىعىن دامىتۋدىڭ جاڭا سەرپىنى؛

كولىك- لوگيستيكالىق جانە تۋريستىك الەۋەتتى ىسكە اسىرۋ؛

ت ك ش جانە سۋ ينفراقۇرىلىمىن جاڭعىرتۋ؛

كاسىپكەرلىك ەكونوميكانى دامىتۋدىڭ قوزعاۋشى كۇشى؛

ادامي كاپيتالدى دامىتۋ؛

پارلامەنتتىك رەفورما جۇرگىزۋ.

- ۇسىنىلعان جالپى ۇلتتىق جوسپار جوباسىنىڭ ءىس-شارالارى ۇلتتىق ەكونوميكانىڭ ورنىقتىلىعىن ارتتىرۋعا، ەكونوميكانىڭ نەگىزگى سالالارىن سيفرلىق جانە مەملەكەتتىك باسقارۋدى جاڭعىرتۋعا، ينۆەستيتسيالىق احۋالدى جاقسارتۋعا جانە ازاماتتاردىڭ جاعدايىن ارتتىرۋعا باعىتتالعان، - دەدى سەرىك جۇمانعارين.

بۇعان دەيىن ۇكىمەت جولداۋدى ىسكە اسىرۋ جوسپارىن قابىلداپ، جولداعى قاۋىپسىزدىك ماسەلەلەرىن پىسىقتايتىنىن جازعان ەدىك.

اۆتور

مارلان جيەمباي