«ۇلتتىق قوردان الىناتىن قارجى كولەمىن ەسكەرە وتىرىپ، 2027-جىلعا دەيىن قور ءتۇسىمىن 78,7 ميلليارد دوللارعا جەتكىزۋ كوزدەلىپ وتىر. بۇل ماقساتقا جەتۋ جولىندا ءبىزدىڭ ەسەپتەۋلەر بار، 2030-جىلعا دەيىن 5 جىل ۋاقىت بار. ءبىرىنشى فاكتور، ارينە مۇناي ءوندىرۋ كولەمى. 2030-جىلعا قاراي ول شامامەن 105 ميلليون توننا كولەمىنە جەتەدى، بۇل رەتتە ءبىز كۇتەتىن ورتاشا باعا باررەلىنە 75 دوللار دەپ وتىرمىز»، - دەدى نۇرلان بايبازاروۆ ءماجىلىستىڭ جالپى وتىرىسىندا 2025-2027-جىلدارعا ارنالعان رەسپۋبليكالىق بيۋجەتتى تالقىلاۋ بارىسىندا.
ءمينيستردىڭ ايتۋىنشا، ۇلتتىق قوردى ساقتاۋ مەن جەتىلدىرۋدىڭ ەكىنشى فاكتورى - قارجىنى ۇنەمدەۋ.
«بۇل كورسەتكىشكە قول جەتكىزۋ ءۇشىن ءبىز 2026-جىلدان باستاپ ۇلتتىق قوردان الىناتىن قارجى كولەمىن 55 ميلليارد دوللارعا دەيىن تومەندەتۋىمىز كەرەك. وسى ەكى نەگىزگى فاكتور ماقساتقا جەتۋگە جول سىلتەيدى»، - دەيدى ول.
سونداي-اق، نۇرلان بايبازاروۆ ۇكىمەت ترانسفەرتتەردى بيۋجەت كىرىسى ەسەبىنەن قارجىلاندىرۋ ءۇشىن جۇمىس ىستەيتىنىن ايتتى.
ايتا كەتسەك، ۇلتتىق بانك ءتوراعاسى ۇلتتىق قورعا تۇسەتىن قارجىدان، الىناتىن سوما اسىپ كەتىپ جاتقانىن ايتقان ەدى.