دەپۋتات ساۋالىندا ادام بەيىتكە ارنالعان جەردى زاڭسىز بەرەتىندەرگە جازا تاعايىنداۋ كەرەكتىگى ايتىلعان بولاتىن.
- ۇكىمەت بەيىتكە ارنالعان جەر تەلىمىن زاڭسىز بەرىپ ساتقانى ءۇشىن اكىمشىلىك جاۋاپكەرشىلىك ەنگىزۋ ماسەلەسىن پىسىقتايدى. ونىڭ ىشىندە زاڭنامالىق اكتىلەرگە تۇزەتۋ ەنگىزۋ مۇمكىندىكتەرى دە قاراستىرىلادى، - دەپ جازىلعان ۇكىمەت باسشىسىنىڭ جاۋابىندا.
سونداي-اق، پرەمەر-مينيستر ءار مارقۇمعا 6 شارشى مەتر جەر مەملەكەتتەن تەگىن بەرىلەتىنى ايتىلعان.
- جەر كودەكسى 109-بابىنىڭ 3-تارماعى بويىنشا بەيىتكە ارناپ جالپى قولدانىسقا الىنعان جەر قورىنان بەلگىلى ءبىر مەكەندە قايتىس بولعان تۇرعىندى نەمەسە ناقتى تۇراتىن ورنى جوق مارقۇمدى جەرلەۋ ءۇشىن 6 شارشى مەتردەن كەم بولمايتىن تەلىم تەگىن بەرىلەدى، - دەپ جازادى ولجاس بەكتەنوۆ.
جاۋاپتا ءدىني جورالعىلارمەن بايلانىستى قىزمەتتەر الەۋمەتتىك ماڭىزى بار تاۋارلار مەن قىزمەتتەردىڭ ساناتىنا كىرمەيتىندىكتەن ونىڭ باعاسىن مەملەكەت رەتتەمەيتىنى ايتىلعان.
- بۇل نارىقتا ليتسەنزيالاۋ تەتىگى جوق بولعاندىقتان قىزمەت اكىمشىلەرى بەيىت اۋماعىندا كورسەتىلەتىن قىزمەتتەردىڭ باعاسىن وزدەرى بەلگىلەيدى، - دەلىنگەن جاۋاپتا.
بەيىتكە ارنالعان بوس تەلىمدەردى انىقتاۋ ءۇشىن جاريا كاداسترلىق كارتانىڭ قىزمەتىنە جۇگىنۋگە بولادى.
- جىلجىمايتىن مۇلىكپەن، جەرمەن بايلانىستى ماملەلەردى جاساۋ ءۇشىن جىلجىمايتىن مۇلىكتىڭ ءبىرىڭعاي مەملەكەتتىك كاداسترىنان (https://map.gov4c.kz/egkn/ - رەد. ) بوس جانە يەسى بار تەلىمدەردى ونلاين رەجيمدە كورۋگە بولادى، - دەپ جازىلعان پرەمەر-ءمينيستردىڭ جاۋابىندا.
ايتا كەتەلىك الماتىدا جەرلەۋ قىزمەتى قانشا تۇراتىنىن جازعان ەدىك.
اۆتور
ەسىمجان ناقتىباي