ۇكىمەت بىلتىر بيۋجەتتىڭ شىعىس بولىگىن 13 رەت وزگەرتكەن
استانا. KAZINFORM - جوعارى اۋديتورلىق پالاتا مۇشەسى نۇرلان نۇرجانوۆ ماجىلىستە 2024-جىلعى رەسپۋبليكالىق بيۋجەت شىعىسىنىڭ تەڭ جارتىسى ۇلتتىق قور مەن قارىز ەسەبىنەن جابىلعانىن ءمالىم ەتتى.
- رەسپۋبليكالىق بيۋدجەتتىڭ شىعىستارى 2024-جىلى ناقتىلاۋدى قوسقاندا جالپى 13 رەت وزگەرىسكە ۇشىراعان. بۇل سوڭعى بەس جىلداعى رەكوردتىق كورسەتكىش بولىپ وتىر. وزگەرىستەردىڭ شامامەن 40 پايىزى ءتورتىنشى توقساندا ەنگىزىلىپ، سالدارىنان رەسپۋبليكالىق بيۋدجەتتىڭ شىعىس بولىگىنىڭ 6,2 تريلليون تەڭگەسى قايتا قارالدى. مۇنداي ءجيى ەنگىزىلەتىن وزگەرىستەر بيۋجەتتى جوسپارلاۋدىڭ بولجامدىلىعىنا نۇقسان كەلتىرەدى. سونداي-اق، قىسقا مەرزىمدى شەشىمدەرگە باسا نازار اۋدارۋعا باعىتتالعانىن كورسەتەدى، - دەدى ول ءماجىلىستىڭ وتىرىسىندا.
سونداي-اق، ول بىلتىر ۇلتتىق قور اسقان ىسىراپشىلدىقپەن پايدالانىلعانىن اتاپ ءوتتى.
- شىعىستاردى قارجىلاندىرۋعا مۇنايعا قاتىستى ەمەس كىرىستەردىڭ ۇلەسى 2024-جىلى 46 پايىزعا دەيىن تومەندەگەن. ياعني، رەسپۋبليكالىق بيۋجەت شىعىستارىنىڭ جارتىسىنا جۋىعى ۇلتتىق قوردان بەرىلەتىن ترانسفەرتتەر مەن الىناتىن قارىزدار ەسەبىنەن جابىلىپ وتىر، - دەدى نۇرلان نۇرجانوۆ.
ەسكە سالساق، وتكەن اپتادا ەاەو مەن يران اراسىنداعى ەركىن ساۋدا تۋرالى كەلىسىم كۇشىنە ەنگەن بولاتىن.