ۇكىمەت باسشىسى ولجاس بەكتەنوۆ ۇلىتاۋ وبلىسىنىڭ اكتيۆىنە جاڭا اكىمدى تانىستىردى
استانا. KAZINFORM - مەملەكەت باسشىسىنىڭ تاپسىرماسى بويىنشا پرەمەر-مينيستر ولجاس بەكتەنوۆ پەن پرەزيدەنت اكىمشىلىگىنىڭ باسشىسى ايبەك دادەباي ۇلىتاۋ وبلىسى ءماسليحاتى دەپۋتاتتارىنىڭ جينالىسىنا قاتىستى.
ق ر پرەزيدەنتى قاسىم-جومارت توقايەۆ دەپۋتاتتاردىڭ قاراۋىنا وبلىس اكىمى لاۋازىمىنا داستان رىسپەكوۆ پەن ۇلانتاي ۇسەنوۆتىڭ كانديداتۋرالارىن ۇسىندى. اشىق داۋىس بەرۋ ناتيجەلەرىنە سايكەس 64 دەپۋتاتتىڭ 49 ى داستان رىسپەكوۆتىڭ كانديداتۋراسىن قولدادى، 15 دەپۋتات ءوز داۋىستارىن ۇلانتاي ۇسەنوۆكە بەردى. داۋىس بەرۋ قورىتىندىسى بويىنشا مەملەكەت باسشىسى داستان اداي ۇلى رىسپەكوۆتى ۇلىتاۋ وبلىسىنىڭ اكىمى لاۋازىمىنا تاعايىنداۋ تۋرالى جارلىققا قول قويدى.
پرەمەر-مينيستر وبلىس اكتيۆىمەن كەزدەسۋدە بەرىك ءابدىعالي ۇلىنا ءوڭىردىڭ دامۋىنا قوسقان ۇلەسى ءۇشىن العىس ايتىپ، جاڭا اكىمدى تانىستىردى.
ولجاس بەكتەنوۆ مەملەكەت باسشىسى ۇلىتاۋ وبلىسى باسشىلىعىنىڭ الدىندا ەكونوميكانى ءارتاراپتاندىرۋ، جاڭا ءوندىرىس ورىندارىن اشۋ، ينۆەستيتسيالىق احۋالدى جاقسارتۋ، ينفراقۇرىلىمدى جاڭعىرتۋ، سونداي-اق ەكولوگيا ماسەلەلەرىن شەشۋ، كولىك جانە تۋريستىك الەۋەتتى بارىنشا دامىتۋ بويىنشا ماڭىزدى مىندەتتەر قويعانىن اتاپ ءوتتى.
ەسكە سالا كەتەيىك، بۇعان دەيىن بەرىك ءابدىعالي ۇلىنىڭ ۇلىتاۋ وبلىسىنىڭ اكىمى لاۋازىمىنان بوساتىلعانىن، داستان رىسپەكوۆتىڭ ۇلىتاۋ وبلىسىنىڭ اكىمى لاۋازىمىنا تاعايىندالعانىن حابارلاعان ەدىك.