ۇكىمەت ازىرلەگەن وڭىرلىك دامۋ تۇجىرىمداماسىنىڭ نەگىزگى باعىتتارى قانداي
استانا. KAZINFORM - قازاقستان رەسپۋبليكاسىنىڭ 2025-2030 -جىلدارعا ارنالعان وڭىرلىك دامۋ تۇجىرىمداماسى ازىرلەنىپ، مۇددەلى مەملەكەتتىك ورگاندارمەن كەلىسىلىپ جاتىر. بۇل تۋرالى ۇلتتىق ەكونوميكا مينيسترلىگىنەن ءمالىم ەتتى.
مينيسترلىك اگەنتتىك ساۋالىنا بەرگەن جاۋابىندا تۇجىرىمداما جوباسى وڭىرلەردىڭ جاعدايى مەن دامۋ پەرسپەكتيۆالارىن كەشەندى باعالاۋدى قامتاماسىز ەتەتىن ءۇش نەگىزگى باعىتتى ايقىندايتىندىعىن اتاپ وتەدى.
ءبىرىنشى باعىت - حالىقتى نەگىزگى ينفراقۇرىلىممەن (الەۋمەتتىك، ينجەنەرلىك، كولىكتىك) بىركەلكى قامتاماسىز ەتۋ.
- وسى باعىتتىڭ اياسىندا جەڭىلدىكتەرگە قول جەتكىزۋدەگى تەڭسىزدىكتى جويۋعا جانە وڭىرلەردەگى ەڭ وتكىر ينفراقۇرىلىمدىق ماسەلەلەردى شەشۋگە باستى نازار اۋدارىلاتىن بولادى. بازالىق ينفراقۇرىلىممەن قامتاماسىز ەتۋدە ەڭ ۇلكەن الشاقتىق بار وڭىرلەر ءۇشىن تۇجىرىمدامانى ىسكە اسىرۋ اياسىندا رەسپۋبليكالىق بيۋدجەتتەن باسىم قارجىلاندىرۋ ءتارتىبى بەلگىلەنەدى، - دەدى ۆەدومستۆودان.
ەكىنشى باعىت - وڭىرلەردىڭ تەڭگەرىمدى ەكونوميكالىق دامۋى.
- وڭىرلەردىڭ تەڭگەرىمدى ەكونوميكالىق دامۋى وڭىرلەردىڭ قولدا بار باسەكەلەستىك ارتىقشىلىقتارىن ءتيىمدى ىسكە اسىرۋعا نەگىزدەلەدى. بازالىق سالالارعا جانە ءارتاراپتاندىرۋ مۇمكىندىكتەرىنە بايلانىستى وڭىرلەردىڭ بار الەۋەتى ىسكە اسىرىلادى. بۇل - پايدالى قازبالار قورلارى، اۋىل شارۋاشىلىعى ونىمدەرىن وسىرۋگە ارنالعان قولدا بار اۋىل شارۋاشىلىعى جەرلەرى، تۋريستىك قىزمەتتى دامىتۋعا ارنالعان رەكرەاتسيالىق رەسۋرستار، ترانزيتتىك الەۋەتتى ىسكە اسىرۋ ءۇشىن شەكارا ماڭى اۋماقتارىنىڭ بولۋى جانە باسقالارى. سونداي-اق ۇسىنىلىپ وتىرعان تاسىلدەر قولدانىستاعى باعدارلامالىق قۇجاتتاردا ىسكە اسىرىلاتىن سالالىق ساياساتقا جاردەمدەسۋدەن تۋىنداعان، - دەدى مينيسترلىكتەن.
ءۇشىنشى باعىت - وڭىرلىك ساياساتتى ىسكە اسىرۋ تەتىكتەرىن جەتىلدىرۋ.
- اتالعان باعىتتا قازىرگى ءوزارا ءىس- قيمىل مودەلىن جەتىلدىرۋ ارقىلى «ءوڭىر- ورتالىق» ۆەدومستۆوارالىق ۇيلەستىرۋدى جۇيەلى تۇردە كۇشەيتۋ ارقىلى اۋماقتاردى دامىتۋدى ينستيتۋتسيونالدىق قولداۋدى قامتاماسىز ەتۋ ۇسىنىلادى، - دەلىنگەن جاۋاپتا.
بۇعان دەيىن 2025 -جىلى ۇلتتىق ەكونوميكا مينيسترلىگى وڭىرلەردە بەلسەندى جۇمىس ىستەيتىندىگىن جازعان ەدىك.