ۇكىمەت ايماقتاردىڭ دەربەستىگىن ارتتىرۋعا باعىتتالعان ءبىرقاتار شارانى قولعا الدى

استانا. KAZINFORM - ەل ۇكىمەتى ايماقتاردىڭ دەربەستىگىن ارتتىرۋعا باعىتتالعان ءبىرقاتار ماڭىزدى شارانى قولعا الدى. بۇل پروتسەسس جەرگىلىكتى بيلىك ورگاندارىنا بيۋدجەتتى جوسپارلاۋ، ينفراقۇرىلىمدىق جوبالاردى باسقارۋ جانە الەۋمەتتىك قولداۋ باعدارلامالارىن ىسكە اسىرۋدا ۇلكەن وكىلەتتىكتەردى بەرۋدى كوزدەيدى.

وڭىرلىك ورگانداردىڭ وكىلەتتىكتەرىن كەڭەيتۋ حالىقتىڭ وتىنىشتەرى مەن قاجەتتىلىكتەرىنە تەز جانە ءتيىمدى جاۋاپ بەرۋگە مۇمكىندىك بەرەدى. جەرگىلىكتى بيلىك رەسۋرستاردى يكەمدى باسقارىپ، ءوز وبلىستارىنىڭ ستراتەگيالىق دامۋىنا، اتاپ ايتقاندا، ءوڭىردىڭ باسەكەگە قابىلەتتىلىگىن ارتتىرۋ جانە جۇمىس ورىندارىن قۇرۋ، ينفراقۇرىلىمدى دامىتۋ جانە جەرگىلىكتى ءبىلىم مەن دەنساۋلىق ساقتاۋ دەڭگەيىن كوتەرۋگە قاتىستى شەشىمدەر قابىلداي الادى.

وڭىرلەردى دامىتۋ تۇجىرىمداماسى بويىنشا:

قولدانىستاعى جەرگىلىكتى ءوزىن ءوزى باسقارۋدى دامىتۋدىڭ تۇجىرىمداماسىن ىسكە اسىرۋ شەڭبەرىندە 2023 -جىلى كەلەسى كورسەتكىشتەر جۇزەگە اسىرىلدى:

اۋداندىق ماڭىزى بار قالالار، اۋىلدار، كەنتتەر، اۋىلدىق وكرۋگتەر اكىمدەرىنىڭ تىكەلەي سايلاۋىن وتكىزۋ جانە وبلىستارداعى اۋدان اكىمدەرىنىڭ تىكەلەي سايلاۋىن ەنگىزۋ؛

سايلاۋ اكىمدەردىڭ وكىلەتتىك مەرزىمىنىڭ اياقتالۋىنا قاراي كەزەڭ- كەزەڭىمەن وتكىزىلەدى. 2021 -جىلدىڭ شىلدەسى مەن 2024 -جىلدىڭ ناۋرىزى ارالىعىندا اۋىلدىق وكرۋگتەردە 2069 اكىم سايلاندى. پيلوتتىق رەجيمدە 42 اۋدان مەن 3 وبلىستىق ماڭىزى بار قالا اكىمدەرىن سايلاۋ ءوتتى.

بيۋدجەتتىڭ IV دەڭگەي كىرىستەرى بازاسىن كەڭەيتۋ.

جەرگىلىكتى ءوزىن- ءوزى باسقارۋدى دامىتۋ تۇجىرىمداماسى شەڭبەرىندە اۋىلدىق وكرۋگتەردىڭ دەربەستىگى ءۇشىن بيۋدجەتتىڭ IV دەڭگەيىنە سالىقتار مەن تولەمدەردىڭ 25 ءتۇرى، ونىڭ ىشىندە 8 سالىق (تولەم كوزىنەن سالىق سالىنبايتىن ج ت س، جەكە جانە زاڭدى تۇلعالاردان مۇلىككە، جەرگە، كولىككە سالىناتىن سالىق، سىرتقى جارنامانى ورنالاستىرعانى ءۇشىن تولەماقى، ب ج س، جەر ۋچاسكەلەرىن پايدالانعانى ءۇشىن تولەماقى) جانە 17 سالىقتىق ەمەس تولەمدەر بەرىلدى.

ونىڭ ىشىندە، 2022 -جىلى بيۋدجەتتىڭ ءتورتىنشى دەڭگەيىنە 4 تولەم بويىنشا تۇسىمدەر (ب ج س، جەر ۋچاسكەلەرىن پايدالانعانى ءۇشىن تولەم، جەر ۋچاسكەلەرىن ساتۋدان تۇسكەن تۇسىمدەر جانە جەر ۋچاسكەلەرىن ساتقانى ءۇشىن تولەم) بەرىلدى، 2022-2023 ج ج. قورىتىندىسى بويىنشا ولاردىڭ تۇسىمدەرى 15,9 ميلليارد تەڭگەنى قۇرادى.

قازىرگى ۋاقىتتا زاڭنامالىق بازانى وزگەرتۋ بويىنشا جۇمىس جۇرگىزىلۋدە، ونىڭ ىشىندە كەلەسى تولىقتىرۋلاردى ەنگىزۋ كوزدەلەدى:

اۋىل اكىمى مەن اپپاراتىنىڭ وكىلەتتىكتەرىن كەڭەيتۋ (كوشە ساۋداسىن قاداعالاۋ؛ قوعامدىق ورىنداردىڭ سىرتقى بەزەندىرىلۋى بويىنشا جۇمىستى ۇيىمداستىرۋ؛ ويىن الاڭدارىنا ارنالعان جابدىقتار جۇمىسىن قاداعالاۋ؛ اقىلى نەگىزدە قىزمەت كورسەتۋ جانە ت. ب.)؛

سالىقتار مەن تولەمدەردىڭ قوسىمشا تۇرلەرىن بيۋدجەتتىڭ IV دەڭگەيىنە اۋىستىرۋ (زاڭدى تۇلعالار مەن جەكە كاسىپكەرلەرگە مۇلىك سالىعى؛ جەكەلەگەن قىزمەت تۇرلەرىمەن اينالىسۋ قۇقىعى ءۇشىن ليتسەنزيالىق الىم؛ جەكەلەگەن قىزمەت تۇرلەرىمەن اينالىسۋعا ليتسەنزيانى پايدالانعانى ءۇشىن الىم، سۋ رەسۋرستارىن پايدالانعانى ءۇشىن تولەمدەر)؛

ءماسليحات وكىلەتتىگىن كەڭەيتۋ (اكىمدەردىڭ حالىقپەن كەزدەسۋلەرىندە كوتەرىلگەن ماسەلەلەردىڭ شەشىمىن اكىمدىكتەردىڭ قاداعالاۋى؛ دەپۋتاتتاردىڭ اكىمدىك بيۋدجەت كوميسسيالارىنىڭ جۇمىسىنا قاتىسۋى؛ قاجەت بولعان جاعدايدا بيۋدجەتتى ناقتىلاۋعا باستاماشىلىق ەتۋ)؛

ءماسليحات ءتوراعاسىنىڭ وكىلەتتىكتەرىن شەكتەۋ (ءماسليحات سەسسيالارى، دەپۋتاتتىق ساۋالداردى باقىلاۋ، تۇراقتى كوميسسيالاردىڭ قىزمەتىن ۇيلەستىرۋ جانە ت. ب. ) جانە ءماسليحات اپپاراتى باسشىسىنىڭ وكىلەتتىكتەرىن شەكتەۋ (كادر ماسەلەلەرى، ديستسيپلينارلىق جانە كونكۋرستىق كوميسسيالار جانە ت. ب. )؛

اۋىل اكىمىنىڭ ەڭبەكاقى تولەۋدىڭ كەسىمدى جۇيەسى بويىنشا ەڭبەك كەلىسىمشارتىمەن تۇرعىنداردى جۇمىسقا الۋ مۇمكىندىگى (مەحانيزاتور، دانەكەرلەۋشى، سانتەحنيك، ەلەكتريك، زاڭگەر، ەسەپشى جانە ت. ب.)

ورتالىقسىزداندىرۋ بويىنشا:

مەملەكەت باسشىسىنىڭ جولداۋىن ورىنداۋ ماقساتىندا ۇكىمەتتىڭ 21 فۋنكتسياسى ءتيىستى سالالىق ورتالىق مەملەكەتتىك ورگاندارعا جانە اقپاراتتاندىرۋ، جەكە دەرەكتەردى قورعاۋ، ەلەكتروندىق قۇجات جانە ەلەكتروندىق سيفرلىق قولتاڭبا جانە بايلانىس سالالارىنداعى 12 فۋنكتسيا وڭىرلەر اكىمدىكتەرىنە قايتا ءبولىندى.

مەملەكەت باسشىسىنىڭ جولداۋىن ورىنداۋ ماقساتىندا ۇكىمەتتىڭ 21 فۋنكتسياسى ءتيىستى سالالىق ورتالىق مەملەكەتتىك ورگاندارعا جانە اقپاراتتاندىرۋ، دەربەس دەرەكتەردى قورعاۋ، ەلەكتروندىق قۇجات جانە ەلەكتروندىق سيفرلىق قولتاڭبا جانە بايلانىس سالالارىنداعى 12 فۋنكتسيا وڭىرلەردىڭ اكىمدىكتەرىنە قايتا ءبولىندى.

سونداي-اق بۇگىندە پارلامەنت ماجىلىسىندە ايماقتار اكىمدىكتەرىنە 38-گە جۋىق فۋنكتسيانى جانە اۋداندىق دەڭگەيدەگى جەرگىلىكتى اتقارۋشى ورگاندارعا 18 فۋنكتسيانى بەرۋ ارقىلى مەملەكەتتىك باسقارۋدى ءارى قاراي ورتالىقسىزداندىرۋعا باعىتتالعان ءبىرقاتار تۇزەتۋلەر قاراستىرىلۋدا.

جالپى بۇل شارالار مەملەكەتتىك ورگاندارداعى ءبىرىنشى باسشىلاردىڭ ءتيىستى ساياساتتى قالىپتاستىرۋىنا جانە بارلىق دەڭگەيدەگى اكىمدەردىڭ ونى جۇزەگە اسىرۋعا جاۋاپكەرشىلىكتەرىن ارتتىرادى، سونداي-اق جەرگىلىكتى ماڭىزى بار ماسەلەلەردى شەشۋ ءۇشىن جەدەل ارەكەت ەتۋگە مۇمكىندىك بەرەدى.

بيۋدجەتتىك دەربەستىك بويىنشا:

جاڭا بيۋدجەت كودەكسىنىڭ جوباسىندا كەڭ تارالعان پايدالى قازبالار مەن جەر استى سۋلارىنا پايدالى قازبالاردى ءوندىرۋ سالىعىن رەسپۋبليكالىق بيۋدجەتتەن جەرگىلىكتى بيۋدجەتتەرگە اۋدارۋ كوزدەلگەن.

قوسىمشا، رەسپۋبليكالىق دەڭگەيدەن جەرگىلىكتى دەڭگەيگە تولەمدەر، الىمدار، باجدار، ايىپپۇلدار جانە باسقا دا تولەمدەردى بەرۋ پىسىقتالۋدا.

سونىمەن قاتار وڭىرلەردەگى ءومىر ءسۇرۋ ساپاسىنداعى ديسبالانستى تومەندەتۋ بويىنشا وڭىرلىك ساياساتتىڭ باسىم مىندەتىن بيۋدجەتتىك جوسپارلاۋدا پايدالانۋدىڭ مينيمالدى ستاندارتتارىن ەنگىزۋ ارقىلى ورىنداۋ جوسپارلانعان.

وسى ماقساتتا جاڭا بيۋدجەت كودەكسى شەڭبەرىندە مينيمالدى ستاندارتتار تۇسىنىگى ەنگىزىلۋدە، اتاپ ايتقاندا، الەۋمەتتىك، ينجەنەرلىك- كوممۋنيكاتسيالىق، كولىكتىك جانە جانە باسقا دا ينفراقۇرىلىمنىڭ مينيمالدى ستاندارتتارىن (جەلىلەرىن) ەسكەرە وتىرىپ، بيۋدجەت شىعىستاردى جوسپارلاۋدىڭ زاڭنامالىق نەگىزى قالانعان.

اتالعان قاعيدالار قۇرىلىس كودەكسىنىڭ جوباسىنا دا ەنگىزىلگەن.

وسى رەتتە الداعى ۋاقىتتا رەسپۋبليكالىق دەڭگەيدە تەك رەسپۋبليكالىق ماڭىزى بار جوبالاردى عانا قارجىلاندىرۋ جوسپارلانۋدا، ال بارلىق بازالىق ينفراقۇرىلىم ج ب ەسەبىنەن قارجىلاندىرىلادى.

اۆتور

ابىلايحان جۇماشيەۆ