ۇكىمەت ادام پاپيللوماسى ۆيرۋسىنا قارسى ۆاكسينا ساتىپ الۋعا 9,7 ميلليارد تەڭگەدەن استام قارجى ءبولدى

استانا. KAZINFORM - ۇكىمەت ادام پاپيللوماسى ۆيرۋسىنا (ا پ ۆ) قارسى ۆاكسينا ساتىپ الۋعا جانە قازاقستاندا اتالعان ەكپە جۇمىسىن جۇرگىزۋگە رەزەرۆتەن قاراجات ءبولدى. ءتيىستى قاۋلىعا ق ر پرەمەر-ءمينيسترى ولجاس بەكتەنوۆ قول قويدى، دەپ حابارلايدى ۇكىمەتتىڭ رەسمي سايتى.

ونداعى مالىمەتتەرگە قاراعاندا، وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ بيۋدجەتتەرىنە 351 مىڭنان استام دوزاسى مولشەرىندە ۆاكسينا ساتىپ الۋ ءۇشىن اعىمداعى نىسانالى ترانسفەرتتەر تۇرىندە 9,7 ميلليارد تەڭگەدەن استام قاراجات اۋدارىلادى.

ادام پاپيللوماسى ۆيرۋسىنان تۋىنداعان جاتىر موينى وبىرى (ج م و) - الەمدەگى ەڭ كوپ تارالعان قاتەرلى ىسىكتەردىڭ ءبىرى، ول انىقتالعان بارلىق جاعدايدىڭ قۇرىلىمىندا ,1- عا دەيىن كەزدەسەدى. جىل سايىن ودان 300 مىڭعا جۋىق ايەل كوز جۇمادى. قازاقستاندا ج م و بارلىق جاستاعى ايەلدەر اراسىندا قاتەرلى ىسىكتىڭ باسقا تۇرلەرى ىشىندە تارالۋى بويىنشا ەكىنشى ورىندا تۇر. جىل سايىن رەسپۋبليكا بويىنشا 1900-گە جۋىق جاڭا جاعداي تىركەلەدى، 600-دەن استام ايەل وسى پاتولوگيادان قايتىس بولادى.

ا پ ۆ- نا قارسى جانە ج م و دامۋىمەن كۇرەسۋدىڭ جالعىز ءادىسى - ۆاكسيناتسيا. ق ر ۇلتتىق ۆاكسيناتسيا كۇنتىزبەسىنە سايكەس جانە ددۇ ۇسىنىمىن ەسكەرە وتىرىپ، ا پ ۆ- عا قارسى ەكپە سالۋ 11 جاستاعى قىزدارعا 6 اي ارالىق مەرزىممەن ەكى رەت جۇرگىزىلەتىن بولادى. بۇل رەتتە قازاقستاندا ا پ ۆ- نىڭ نەعۇرلىم ونكوگەندى تۇرلەرىنەن (6, 11, 16, 18) قورعايتىن ءتورت ۆالەنتتى ۆاكسينا قولدانىلادى.

اۆتور

ايدار وسپاناليەۆ