كىمدەرگە قاربىز بەن قاۋىن جەۋگە بولمايدى؟
استانا. قازاقپارات - قانت ديابەتى جانە سەمىزدىكپەن قينالاتىن ادامدارعا قاربىز بەن قاۋىندى ابايلاپ جەۋ كەرەك. سەبەبى ولاردىڭ قۇرامىندا قانت كوپ. بۇل جايلى دارىگەر ۆەرا سەرەجينا «Riamo»-عا ايتىپ بەردى، - دەپ حابارلايدى Massaget.kz.
سونداي-اق پانكرەاتيت، ۇيقى بەزىنىڭ اسقىنعان اۋرۋلارى، ورگاندارعا تاس ءتۇزىلۋ، مەتەوريزم جانە ديارەيا سەكىلدى اسقازان-ىشەك جولى پروبلەمالارى بار ادامدارعا قاربىز بەن قاۋىن جەۋ ۇسىنىلمايدى.
«قاربىز بەن قاۋىن بۇل جاعدايدى ۋشىقتىرىپ جىبەرۋى مۇمكىن. سونداي-اق نەسەپ ايداعىش اسەرى ءۇشىن قاربىز بەن قاۋىندى ابايلاپ جەۋ كەرەك. الايدا ودان تولىقتاي باس تارتۋدىڭ قاجەتى جوق. شامادان ارتىق جەمەسەڭىز، ولار ءىسىنۋدى جانە قىجىلدى باسۋعا كومەكتەسەدى»، - دەپ ءتۇسىندىردى دارىگەر.
تاعى ءبىر ەسكەرەتىن نارسە - تاعامدىق اللەرگيا. ول ارامشوپتەردىڭ توڭازىنا اللەرگياسى بار ادامداردا تۋىنداۋى مۇمكىن. سيمپتومدارعا تەرىنىڭ قىشۋى، تۇشكىرۋ، مۇرىننان سۋ اعۋ، مۇرىننىڭ بىتەلۋى، تاماقتىڭ، ءتىلدىڭ، ەرىننىڭ جانە تاڭدايدىڭ ءىسىنۋى جانە شانشۋى، دەنە تەمپەراتۋراسىنىڭ جوعارىلاۋى، ەنتىگۋ، تۇنشىعۋ، قۇسۋ، ديارەيا، مەتەوريزم، ءىشتىڭ اۋىرۋى جانە جۇرەك اينۋى جاتادى.
«سيرەك جاعدايلاردا اللەرگيالىق رەاكتسيا انافيلاكسيالىق شوكقا اكەلۋى مۇمكىن. ەگەر ارنايى IgE انتيدەنەلەرىنە قان اناليزىن تاپسىرساڭىز، مۇنداي جاعدايدىڭ الدىن الا الاسىز. سەبەبى ول قاربىزعا نەمەسە قاۋىنعا اللەرگيانى انىقتاۋعا مۇمكىندىك بەرەدى»، - دەدى ۆەرا سەرەجينا.