جاپونيانىڭ پرەمەر-ءمينيسترى قىزمەتىنەن كەتەتىنىن ايتتى
استانا. KAZINFORM - جاپونيا پرەمەر-ءمينيسترى فۋميو كيشيدا سارسەنبى، 14- تامىز كۇنى قارجىلىق ەسەپ بەرۋ توڭىرەگىندەگى جانجال جاۋاپكەرشىلىگىن ءوز موينىنا الۋ ءۇشىن قىركۇيەك ايىندا وتەتىن بيلەۋشى ليبەرال-دەموكراتيالىق پارتيا ءتوراعاسىن سايلاۋعا قاتىسپايتىنىن مالىمدەدى.
بۇل تۋرالى Kyodo News جازدى.
«جۇرتشىلىققا ليبەرال-دەموكراتيالىق پارتيانىڭ وزگەرگەنىن كورسەتۋ ءۇشىن مەن سايلاۋعا قاتىسۋدان باس تارتتىم»، - دەدى فۋميو كيشيدا باسپا ءسوز ءماسليحاتىندا.
ول ل د پ مۇشەلەرى حالىقتىڭ ساياساتقا دەگەن سەنىمىن قالپىنا كەلتىرۋ جانە قوعامداعى بالا تۋۋ دەڭگەيىن تومەندەتۋ شارالارىن قابىلداۋ جانە ەلدىڭ قورعانىس قابىلەتىن نىعايتۋ سياقتى ءتۇرلى ماسەلەنى شەشۋ ءۇشىن جاڭا باسشىنىڭ تۇسىندا «بىرگە ارەكەت ەتۋى كەرەك» ەكەنىن باسا ايتتى.
كيشيدا ل د پ- نىڭ «قاراپايىم» مۇشەسى رەتىندە قىزمەتىن جالعاستىراتىنىن ايتتى، ءبىراق پارتيانىڭ كەلەسى جەتەكشىسى جانە پرەمەر-ءمينيسترى بولۋعا كىم جاقسى ۇمىتكەر بولاتىنى تۋرالى پىكىر بىلدىرۋدەن باس تارتتى.
بۇعان دەيىن جاپونيا پرەمەر-ءمينيسترى فۋميو كيشيدا 9-تامىز كۇنگى قازاقستانعا ساپارىن توقتاتقان بولاتىن. جاپون ەلشىلىگىنىڭ حابارلاۋىنشا، مۇنداي شەشىم ەلدەگى جەر سىلكىنىسىنە بايلانىستى قابىلدانعان.
اۆتور
ەركەجان سماعۇلوۆا