ەكىنشى التىن! الەكسەي لۋتسەنكو بەس دۇركىن ازيادا چەمپيونى اتاندى

قازاقستاندىق سپورتشى تاسجولداعى ۆەلوسپورتتان ەرلەر اراسىندا جەكەلەي سىندا 41 مينۋت 24.05 سەكۋند ناتيجە كورسەتىپ، مارە سىزىعىن ءبىرىنشى بولىپ كەستى.

ايتا كەتەرلىگى، بۇل قازاقستان قۇراماسىنىڭ وسى ازياداداعى ەكىنشى التىن جۇلدەسى. سونىمەن قاتار، الەكسەي لۋتسەنكو جازعى ازيا ويىندارىندا بەس دۇركىن چەمپيون اتاندى. ول وسىعان دەيىن ينچحون (2014-جىل)، دجاكارتا (2018-جىل) جانە حانچجوۋ (2023-جىل) ازيا ويىندارىندا ءتورت التىن مەدال جەڭىپ العان بولاتىن.

ەسكە سالايىق، جازعى ازيا ويىندارى 2026-جىلدىڭ 19-قىركۇيەك پەن 4-قازان ارالىعىندا جاپونيانىڭ ايچي پرەفەكتۋراسى مەن ناگويا قالاسىندا وتەدى، ويىنداردىڭ ۇرانى - Imagine One Asia («ءبىرتۇتاس ازيانى ەلەستەت»).

وسىعان دەيىن حابارلاعانىمىزداي، ريناتا سۇلتانوۆا ايەلدەر اراسىندا تاسجولداعى ۆەلوسپورتتا 36 مينۋت 23.72 سەكۋند ناتيجە كورسەتىپ، مارە سىزىعىن ءبىرىنشى بولىپ كەستى.

سونىمەن قاتار، ارلان جاڭاباي ترياتلونان ازيا ويىندارىنىڭ قولا جۇلدەگەرى اتاندى.