كريمينالدىق پوليتسيا قىزمەتكەرلەرىنىڭ مالىمەتىنشە، كۇدىكتىلەر بىرنەشە اي بويى ءوڭىر تۇرعىندارىنىڭ مالىن جۇيەلى تۇردە ۇرلاپ كەلگەن. ولار نەگىزىنەن ۇساق مالدى نىساناعا العان. جەدەل-ىزدەستىرۋ ءىس-شارالارى بارىسىندا كۇدىكتىلەردىڭ بارلىعى انىقتالعان. ولاردىڭ وبلىس تۇرعىندارى ەكەنى بەلگىلى بولدى.
- جەدەل-ىزدەستىرۋ ءىس-شارالارىنىڭ كەشەنى بارىسىندا بارلىق كۇدىكتىنىڭ جەكە باسى انىقتالدى. ءتىنتۋ جۇرگىزۋ كەزىندە ءتورت ۇساق مال جانە قىلمىس جاساۋعا پايدالانىلعان وزگە دە زاتتار تابىلىپ، تاركىلەندى،- دەيدى پاۆلودار وبلىسى پوليتسيا دەپارتامەنتى كريمينالدىق پوليتسيا باسقارماسىنىڭ باستىعى جاسۇلان تاڭجانوۆ.
قازىر ءتورت كۇدىكتى دە قاماۋعا الىنىپ، ۋاقىتشا ۇستاۋ يزولياتورىنا قامالعان. ولارعا قاتىستى تەرگەۋ امالدارى جالعاسىپ جاتىر. سونىمەن قاتار پوليتسيا قىزمەتكەرلەرى كۇدىكتىلەردىڭ وسىعان ۇقساس وزگە دە قىلمىستارعا قاتىسى بار-جوعىن تەكسەرۋدە.
ۆەدومستۆو وكىلدەرى اۋىل تۇرعىندارى ءۇشىن مال نەگىزگى تابىس كوزى ءارى ۇزاق جىلعى ەڭبەكتىڭ ناتيجەسى ەكەنىن اتاپ ءوتتى. وسىعان بايلانىستى پوليتسيا ءاربىر مال ۇرلىعى دەرەگى بويىنشا كىنالىلەردى انىقتاپ، ولاردى جاۋاپكەرشىلىككە تارتۋ جانە ۇرلانعان مۇلىكتى يەلەرىنە قايتارۋ باعىتىندا جۇمىس جۇرگىزىپ جاتىر.