ەكىباستۇز قالاسىنىڭ بيلىگى كاسىپكەرلەردىڭ 30 بيزنەس نىسانىن سىرىپ تاستاماق بولعان
پاۆلودار. KAZINFORM - قالا بيلىگى «شاحتەر» ساياباعىنداعى رەكونسترۋكسيا جۇمىستارىنا بايلانىستى وندا ورنالاسقان بارلىق اتتراكسيونداردى، دۇڭگىرشەكتەر مەن ءدامحانالاردى، دۇكەندەردى سىرىپ تاستاماق بولعان. ءبىراق كاسىپ يەلەرىنە بيزنەستەرىن جۇرگىزۋگە ارنالعان وزگە ورىندى ۇسىنباعان.
پاۆلودار وبلىسى «اتامەكەن» پالاتاسى ەكىباستۇزدىق كاسىپكەرلەردىڭ شاعىمىنا قۇلاق ءتۇرىپ، پروكۋراتۋرا وكىلدەرىنىڭ بۇل ىسكە ارالاسۋىن سۇراعان. ناتيجەسىندە جەرگىلىكتى 30 كاسىپكەرلىك نىسانى ساقتالىپ قالدى.
«كاسىپكەرلەر پالاتاسى مەن ەكىباستۇز قالالىق پروكۋراتۋراسى بيزنەس وكىلدەرىنىڭ وتىنىشە جەدەل دەن قويدىق. قالا پروكۋرورى شاھار باسشىسىنىڭ قاتىسۋىمەن ساياباقتا كوشپەلى جيىن وتكىزىپ، ونىڭ ناتيجەسىندە كاسىپكەرلەردىڭ بارلىق نىساندارى ساقتالىپ قالادى دەگەن شەشىم شىعارىلدى»، دەپ حابارلادى وڭىرلىك كاسىپكەرلەر پالاتاسىنان.
قازىرگى ۋاقىتتا بالانس ۇستاۋشى مەكەمە كاسىپكەرلىك سۋبەكتىلەرىمەن 2024 -جىلعا ءتيىستى شارتتاردى جاساسىپ جاتىر.
اۆتور
مۇرات اياعان