وقيعا تۋرالى ورمانشىلارعا ەكىباستۇز قالاسىنىڭ تۇرعىنى حابارلاعان. ونىڭ ايتۋىنشا، مايقايىڭ كەنتىنە قاراي باعىتتاعى دالالىق جەردە جارالانعان قۇس جاتقان.
- حابارلاما تۇسكەن سوڭ پاۆلودار ورمانشىلىعىنىڭ قىزمەتكەرلەرى وقيعا ورنىنا جەدەل جەتكەن. ولار جارالى قۇستىڭ قازاقستاننىڭ قىزىل كىتابىنا ەنگىزىلگەن دالا قىرانى ەكەنىن انىقتادى. قۇستىڭ قاناتىنا زاقىم كەلگەن، - دەيدى پاۆلودار ورمان جانە جانۋارلار دۇنيەسىن قورعاۋ مەكەمەسىنىڭ باسشىسى اجدار ءجۇسىپوۆ.
قۇستى قاۋىپسىز جەرگە جەتكىزگەن ورمانشىلار ونى ۆەتەرينارلىق دارىگەرلەرگە كورسەتكەن. مامانداردىڭ تەكسەرۋىنەن كەيىن بۇركىت تۇقىمداس دالا قىرانى پاۆلودار اۋىلىنداعى ارنايى ورىنعا ۋاقىتشا ورنالاستىرىلادى.
بۇعان دەيىن پاۆلوداردا تۇرعىندار ەلىكتىڭ لاعىن قۇتقارىپ قالعانىن جازعانبىز. شارباقتى تاسجولىنىڭ بويىندا، گالكين اۋىلىنان وبلىس ورتالىعىنا قاراي كەلە جاتقان وتباسى ەلىكتىڭ كىشكەنتاي ءتولىن بايقاپ قالعان. ولار جابايى جانۋاردى وزدەرىمەن بىرگە الا كەتىپ، ورمانشىلاردىڭ قولىنا تاپسىرعان.