استانا. KAZINFORM - بىرىككەن كۇرەس الەمى (UWW) پاريج وليمپياداسىندا تورەلىك ەتەتىن قازىلار ءتىزىمىن جاريالادى.
ۇلتتىق وليمپيادالىق كوميتەتتىڭ مالىمەتىنشە، ءتورتجىلدىقتىڭ باستى دوداسىندا تورەلىك ەتەتىن 50 قازىنىڭ قاتارىنا قازاقستاننىڭ ەكى وكىلى ەرىك جۇمابەكوۆ پەن يگور ليگاي ەنگەن.
ايتا كەتەيىك، ليگاي توكيو وليمپياداسىندا دا قازىلىق ەتكەن بولاتىن.
ەسكە سالساق، كۇرەس تۇرلەرىنەن قازاقستان قۇراماسىنىڭ قورجىنىندا پاريج وليمپياداسىنىڭ 7 جولداماسى بار. گرەك-ريم كۇرەسىنەن 4 بالۋانىمىز پاريجدەگى دوداعا بارادى. ال، ەركىن كۇرەستەن قازاقستاندىق بالۋاندار وليمپيادادا ءۇش سالماقتا باق سىنايدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.