ەكى مەترلىك iPhone 15 Pro Max گيننەستىڭ رەكوردتار كىتابىنا ەندى
10:11, 16 - قىركۇيەك 2024
استانا.قازاقپارات - YouTube بلوگەرلەرى سالماعى 200 كەلى بولاتىن ەكى مەترلىك iPhone 15 Pro Max جيناپ شىقتى. بۇل قۇرىلعى سمارتفوننىڭ ەڭ ۇلكەن كوشىرمەسى رەتىندە گيننەستىڭ رەكوردتار كىتابىنا ەندى.
كورپۋس اليۋمينييدەن جاسالعان، ديسپلەي رەتىندە 88 ديۋيمدىك تەلەديدار ورناتىلعان، سەنسورلىق ەكران قوسىلعان، كامەرا لينزالارىن يميتاتسيالاۋ ءۇشىن Canon EOS R5 جانە Sony RX10 Mark كامەرالارى پايدالانىلعان.
ولار iOS يميتاتسياسىن جاساۋ ءۇشىن Android جۇيەسىندە iOS ىسكە قوسۋ قۇرالىن ورناتتى. سمارتفون تولىعىمەن جۇمىس ىستەيدى، ونى جاساۋعا 3 اي جانە 70000 دوللار جۇمسالعان.