ەكى جاسىندا ۇرلانىپ ساتىلعان قىتايلىق 34 جىلدان سوڭ تۋعان اتا-اناسىن كەزدەستىرگەندە ولارمەن بايلانىسىن قايتا ءۇزدى

ەكى جاسىندا ۇرلانىپ باي وتباسىعا ساتىلعان قىتايلىق 34 جىلدان سوڭ تۋعان اتا-اناسىن كەزدەستىرگەندە ولارمەن بايلانىسىن قايتا ءۇزدى. 

37 جاستاعى قىتايلىق يۋيا باوباو ءوزىنىڭ تۋعان وتباسىمەن 34 جىلدان سوڭ قاۋىشتى. الايدا اقشاعا بايلانىستى بارلىق قارىم-قاتىناستى ۇزۋگە ءماجبۇر بولدى. بۇل تۋرالى Stan.kz اقپارات اگەنتتىگى «مير 24» پورتالىنا سىلتەمە جاساپ حابارلايدى. 
يۋيا باوباونى ەكى جاسىندا ۇرلاپ ەلدىڭ باسقا ايماعىنداعى اۋقاتتى وتباسىنا ساتىپ جىبەرگەن. الايدا، جاڭا وتباسى ونى قۇشاق جايا قارسى المادى. ونى ءجيى ۇرىپ-سوعىپ، قورلايتىن. 11 جاسىندا بالا باسقا وتباسىنا جىبەرىلدى. الايدا ول جەردەن دە قاشىپ ءار جەردە ءومىر سۇرگەن.

كامەلەتكە تولعاننان كەيىن باوباو بەيجىڭ مەن شاڭحايدا تۇرىپ، كۋرەر بولىپ جۇمىس ىستەيدى. سونىمەن بىرگە ول ءوزىنىڭ شىن وتباسىن ىزدەۋدى توقتاتپاعان. 2023 -جىلدىڭ قىركۇيەگىندە باوباو د ن ق ارقىلى ىزدەستىرۋ ارقىلى تۋىستارىن تاپتى. 34 جىلدان كەيىن ەر ادام اتا-اناسىمەن جانە اعالارىمەن قايتا قاۋىشتى.

بۇل وقيعا باوباونى جەلىدە تانىمال ەتىپ ول اقشانى كوبىرەك تابا باستادى.

وتباسىمەن قاۋىشقان كەزدە باوباونىڭ اناسى مەن اكەسى اجىراسىپ كەتكەن. ءبىراق اتا-اناسىنىڭ ەكەۋى دە وعان ەكى اعاسىنا ماتەريالدىق جاعىنان كومەكتەسۋىن تالاپ ەتكەن. ەر ادام ولارعا ينتەرنەتتەگى ساتۋدان تۇسكەن تابىسىنىڭ ` بەرىپ وتىرعان. الايدا، بۇل اعايىندىلارعا جەتكىلىكسىز بولىپ شىقتى. ولار باوباونى قورلاي باستادى. سونىمەن قاتار وتباسىنا قابىلداۋ ارقىلى «وعان جاقسىلىق جاسادىق» دەپ مالىمدەگەن.

اناسى مەن اكەسى دە باوباوعا قارسى ۇلدارىنىڭ جاعىندا بولعان. سوندىقتان بىرنەشە جانجالدان كەيىن باوباو تۋىستارىمەن قارىم-قاتىناستى ۇزۋگە شەشىم قابىلداعانىن ايتتى. ول وتباسىمەن تاتۋلاسۋ ەندى مۇمكىن ەمەس ەكەنىن ايتتى.