ايتا كەتەيىك، «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى قازاقستان حالقىنا جولداۋىن جاريالاعان پرەزيدەنت قاسىم-جومارت توقايەۆ ءىرى بايلىق يەلەرى ءۇشىن سالىق بويىنشا جوعارى مولشەرلەمە ەنگىزۋ ماسەلەسىن تالقىلايتىن ۋاقىت كەلگەنىن ايتقان ەدى.
دەپۋتاتتىڭ ايتۋىنشا، ۇكىمەت سالىق زاڭناماسىنا ەنگىزىلەتىن تۇزەتۋلەردى تاياۋ كۇندەرى دايىنداپ، قۇرىلتاي دەپۋتاتتارىنىڭ قاراۋىنا ۇسىنادى. سول كەزدە سالىق سالۋعا قاتىستى بارلىق ماسەلە قارالادى.
- كەدەي جاقسى، باي جامان دەيتىن پرينتسيپتەن ارىلۋىمىز كەرەك. ءبىراق بايلىقتىڭ دا ادىلەتتى ولشەمى بولۋ ءتيىس. مىسالى مەتالداردى، مۇنايدى الايىق. كەي كەزدەرى باعاسى شارىقتاپ ءوسىپ، كەيدە ءتۇسىپ كەتەتىن زامان بولادى. سول كەزدە كومپانيالاردان الىناتىن سالىقتار بار. سول سياقتى باعىتتاردى ديسكۋسسيا ارقىلى كەلىستىرىپ شەشۋگە بولاتىن سياقتى. سونىمەن قاتار بۇل بيۋدجەتكە تاعى دا قوسىمشا قارجى تارتۋدىڭ بىردەن-ءبىر جولى، - دەدى ول.
سونىمەن قاتار دەپۋتات ەڭ تومەنگى جالاقىنى كوتەرۋ ماسەلەسى بۇعان دەيىن پارلامەنت قابىرعاسىندا كوتەرىلگەنىنە نازار اۋدارتتى.
- ول كەزدە ۇكىمەت «پرەزيدەنتتىڭ جولداۋىن كۇتەيىك» دەگەندەي يشارات جاساعان بولاتىن. بۇگىن ناقتى شەشىمىن كورىپ وتىرمىز. بۇل - جۇزدەگەن مىڭ، ميلليونداعان ادامنىڭ ومىرىنە، تۇرمىسىنا جاقسى اسەر ەتەتىن، ەكونوميكاعا جاڭا قارقىن بەرەتىن جاقسى قادامنىڭ ءبىرى، - دەدى ول.
ەستەرىڭىزگە سالا كەتسەك، بۇگىن مەملەكەت باسشىسى ۇكىمەتكە ەڭ تومەنگى جالاقى مولشەرىن 85 مىڭنان 110 مىڭ تەڭگەگە دەيىن كوتەرۋدى تاپسىردى. وسى مىندەت كەلەسى جىلدىڭ 1-قاڭتارىنان باستاپ ىسكە اسىرىلۋعا ءتيىس.