اكىمشىلىك قۇقىق بۇزۋشىلىق تۋرالى زاڭنامادا كەيبىر ساناتتاعى ادامدارعا اكىمشىلىك قاماۋعا الۋدى قولدانۋعا تىيىم سالىنعان. قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ (ق ر ا ق ب ت ك) 50-بابىنىڭ 2-بولىگىنە سايكەس، بۇل جازا جۇكتى ايەلدەرگە، 14 جاسقا دەيىنگى بالالارى بار ايەلدەرگە، 18 جاسقا تولماعان ادامدارعا، ءبىرىنشى جانە ەكىنشى توپتاعى مۇگەدەكتىگى بار ادامدارعا، سونداي-اق 58 جاستان اسقان ايەلدەرگە، 63 جاستان اسقان ەرلەرگە جانە 14 جاسقا تولماعان بالالاردى جالعىز تاربيەلەپ وتىرعان ەرلەرگە قولدانىلمايدى.
بۇل نورما اتا-انا قۇقىقتارى شەكتەلگەن ادامدارعا دا قاتىستى.
ماسەلەن، وبلىس اۋداندارىنىڭ بىرىندە تۇراتىن و. ەسىمدى ايەلگە قاتىستى ەكى قاۋلى شىعارىلعان. ءبىرىنشىسى قورعاۋ نۇسقاماسىن بۇزعانى ءۇشىن ق ر ا ق ب ت ك-نىڭ 461-بابىنىڭ 1-بولىگى بويىنشا 10 تاۋلىككە قاماۋعا الۋدى كوزدەسە، ەكىنشىسى ەرەكشە تالاپتاردى ورىنداماعانى ءۇشىن ق ر ا ق ب ت ك-نىڭ 669-بابىنىڭ 2-بولىگى بويىنشا تاعى 10 تاۋلىككە اكىمشىلىك قاماۋعا الۋدى قاراستىرعان.
قۇقىق بۇزۋشىعا قورعاۋ نۇسقاماسى ارقىلى اناسىنا قاتىستى جانجال شىعارۋعا، بوپسالاپ بالاعاتتاۋعا تىيىم سالىنعان. سونىمەن قاتار ونىڭ مىنەز-قۇلقىنا ەرەكشە تالاپتار قويىلىپ، الكوگولدىك ىشىمدىكتەر ىشۋىنە شەكتەۋ ەنگىزىلگەن.
الايدا ايەل بۇل تالاپتاردى ساقتاماعان.
- پروكۋراتۋرا ورگاندارى سوت اكتىلەرىن زەردەلەۋ بارىسىندا و. ەسىمدى ازاماتشانىڭ 14 جاسقا تولماعان ەكى بالانىڭ اناسى ەكەنىن انىقتاعان. بۇل وعان قاتىستى تاعايىندالعان قاماۋعا الۋ جازالارىنىڭ كۇشىن جويۋعا نەگىز بولعان، - دەپ حابارلادى سولتۇستىك قازاقستان وبلىسى پروكۋراتۋراسىنىڭ باسپا ءسوز قىزمەتى.
پروكۋروردىڭ قاراۋىنا بەرىلگەن اپەللياتسيالىق ءوتىنىشحاتتاردىڭ ناتيجەسىندە سوت اكتىلەرى وزگەرتىلىپ، اكىمشىلىك قاماۋعا الۋ جازالارى اكىمشىلىك ايىپپۇلعا اۋىستىرىلدى.
ەسكە سالايىق، مۇنىڭ الدىندا جامبىل وبلىسىندا مەرزىمىنەن بۇرىن شارتتى تۇردە بوساتىلعان تۇرعىن قاماۋعا الىنعانىن جازعانبىز.