ب ۇ ۇ-نىڭ گۋمانيتارلىق ماسەلەلەردى ۇيلەستىرۋ باسقارماسىنىڭ (OCHA) حابارلاۋىنشا، ۇيىمنىڭ سەرىكتەستەرى دۇيسەنبى كۇنى جوعارعى لومامي پروۆينسياسىنداعى نامبيا اۋدانىنان شامامەن 12 مىڭ ادام جوعارعى كاتانگا پروۆينسياسىنىڭ ميتۆابا اۋماعىنا قاشۋعا ءماجبۇر بولعان. مالىمەتكە سايكەس، شابۋىل سالدارىنان ەكى تۇرعىن قازا تاۋىپ، بىرنەشە ادام جارالانعان. سونداي-اق ادام ۇرلاۋ وقيعالارى تىركەلگەن.
باسقارمانىڭ حابارلاۋىنشا، وسى ايدىڭ باسىندا شابۋىلداردان قاشقان 14,5 مىڭعا جۋىق وتباسىعا كەيىن ۇيلەرىن تاستاپ كەتكەن تاعى بىرنەشە مىڭ وتباسى قوسىلعان. كوشىپ كەلگەن ادامداردى قابىلداپ جاتقان ەلدى مەكەندەرگە تۇسەتىن سالماق ارتىپ، گۋمانيتارلىق كومەككە دەگەن قاجەتتىلىك كۇشەيگەن. اسىرەسە، قاۋىپسىزدىك، باسپانا، ازىق-تۇلىك، مەديتسينالىق كومەك، اۋىزسۋ جانە سانيتاريا سالالارىندا قولداۋ قاجەت.
ۆەدومستۆو زورلىق-زومبىلىق ودان ءارى ءورشيتىن بولسا، تاعى دا كوپ وتباسى ۇيلەرىن تاستاپ كەتۋگە ءماجبۇر بولۋى مۇمكىن ەكەنىن ەسكەرتتى. بۇل مۇقتاج ادامدارعا كومەك كورسەتۋ جۇمىسىن دا قيىنداتا ءتۇسۋى ىقتيمال.
ب ۇ ۇ-نىڭ گۋمانيتارلىق ماسەلەلەردى ۇيلەستىرۋ باسقارماسى بارلىق تاراپتى بەيبىت تۇرعىنداردى قورعاۋعا، حالىقارالىق گۋمانيتارلىق قۇقىقتى ساقتاۋعا جانە مۇقتاج ادامدارعا گۋمانيتارلىق كومەكتىڭ قاۋىپسىز، تۇراقتى ءارى كەدەرگىسىز جەتكىزىلۋىن قامتاماسىز ەتۋگە شاقىردى.
ەسكە سالايىق، جازدىڭ سوڭىندا كونگودا كوتەرىلىسشىلەر 50 تۇرعىندى ۇرلاپ كەتكەن بولاتىن.