استانا. kazinform - كونگو وزەنىندە ەكى كەمەنىڭ سوقتىعىسۋى سالدارىنان 30 ادام قازا تاپتى. ەكى كەمەدەگى تاعى بىرنەشە ونداعان ادام ءىز-ءتۇزسىز جوعالعان، دەپ حابارلايدى بەلتا.
كونگونىڭ ۇلتتىق اقپارات اگەنتتىگىنىڭ مالىمەتىنشە، 57 ادام قۇتقارىلعان. ىزدەۋ- قۇتقارۋ جۇمىستارى جالعاسىپ جاتىر.
كەمەلەر كونگو وزەنىندە سوقتىعىسقان. ولاردىڭ ءبىرى بۋسينگا قالاسىنان ەل استاناسى كينشاساعا قاراي بەت العان، ال ەكىنشىسى كينشاسادان لۋكولەلۋعا باعىت العان. كەمەلەردىڭ بىرىندە 163 ادام بولعان. ەكىنشى كەمەدە قانشا ادام بولعانى ازىرگە بەلگىسىز.
اپاتتىڭ سەبەبى ازىرگە انىقتالعان جوق.
بۇعان دەيىن يندونەزيا جاعالاۋىندا 240 جولاۋشىسى بار كەمە جوعالىپ كەتكەن بولاتىن. كەيىن كەمە تابىلىپ، 110 عا جۋىق جولاۋشى قۇتقارىلعان ەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.