كوستا-ريكا تەلەارناسى ديماش قۇدايبەرگەنگە ەفير ارنادى

 كوستا-ريكانىڭ ەڭ تانىمال تەلەارنالارىنىڭ ءبىرى Multimedios CR العاش رەت ديماش قۇدايبەرگەن تۋرالى باعدارلاما شىعاردى. 

جۇرگىزۋشىلەر قازاقستاندىق ءارتىستىڭ ومىربايانىمەن تانىستىرىپ، ونىڭ S. O. S ءانىن ەفيردە قوستى، دەپ حابارلايدى قازاقپارات dimashnews.com سايتىنا سىلتەمە جاساپ.

Multimedios مەدياحولدينگى 1933 -جىلى قۇرىلعاننان بەرى ۇلكەن تانىمالدىلىققا يە بولدى جانە قازىر ءوز باعدارلامالارىن تەك مەكسيكادا عانا ەمەس، كوستا-ريكادا، ا ق ش-تا جانە يسپانيادا تاراتادى.

«بۇل وقيعا ەلىمىزدىڭ بۇقارالىق اقپارات قۇرالدارىندا سۇيىكتى ءارتىستىڭ شىعارماشىلىعىن تاراتۋدىڭ باستاپقى نۇكتەسى بولدى. كوستا-ريكادا مۇمكىندىگىنشە كوپ ادام ونىڭ كەرەمەت مۋزىكاسى مەن ادەمى داۋىسىن ەستىسە دەيمىز»، - دەيدى ديماشتىڭ كوستا-ريكاداعى فاناتتارى.