كورەيامەن جاساندى ينتەللەكت سالاسىنداعى ىنتىماقتاستىق كەڭەيمەك

استانا. KAZINFORM - قازاقستان رەسپۋبليكاسى پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ كورەيا رەسپۋبليكاسىنا رەسمي ساپارمەن باردى. ساپار شەڭبەرىندە ول پرەزيدەنت يۋن سوك ەلمەن كەزدەسىپ، سىرتقى ىستەر ءمينيسترى چجو تە ەلمەن ەكىجاقتى كەلىسسوزدەر جۇرگىزدى. بۇل تۋرالى س ءى م باسپا ءسوز قىزمەتى حابارلادى.

كورەي مەملەكەتىنىڭ باسشىسىمەن كەزدەسۋ بارىسىندا سوڭعى جىلدارى قول جەتكىزىلگەن ەكىجاقتى ساياسي ديالوگتىڭ جوعارى دەڭگەيى اتالىپ ءوتتى. كورەيا رەسپۋبليكاسىنىڭ پرەزيدەنتى قازاق- كورەي ستراتەگيالىق ءوزارا ءتيىمدى ارىپتەستىگىن نىعايتۋ ماقساتىندا قازاقستانمەن كوپ جوسپارلى ىنتىماقتاستىقتى ودان ءارى ارتتىرۋدىڭ ماڭىزدىلىعىنا نازار اۋداردى.

ءوز كەزەگىندە، م. نۇرتىلەۋ كورەيا رەسپۋبليكاسىنىڭ كوشباسشىسىنا قر پرەزيدەنتى قاسىم- جومارت توقايەۆتىڭ جىلى لەبىزدەرى مەن ىزگى تىلەكتەرىن جەتكىزىپ، كورەيا رەسپۋبليكاسى 30 -جىلدان استام ديپلوماتيالىق قاتىناستار بارىسىندا ءوسىپ كەلە جاتقان ەكونوميكالىق جانە مادەني بايلانىستار قولدايتىن بەرىك ساياسي ديالوگ قۇرىلعان ازيا وڭىرىندەگى ماڭىزدى جانە سەنىمدى سەرىكتەس ەكەنىن اتاپ ءوتتى.

سول كۇنى ق ر س ءى م باسشىسى كورەيا رەسپۋبليكاسىنىڭ سىرتقى ىستەر ءمينيسترى چجو تە ەلمەن ەكىجاقتى كەلىسسوزدەر جۇرگىزدى. تاراپتار ساياسي، ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى قازاق- كورەي ىنتىماقتاستىعىنىڭ نەگىزگى ماسەلەلەرىن تالقىلادى.

سۇحبات بارىسىندا كورەيا رەسپۋبليكاسى پرەزيدەنتىنىڭ جاقىندا قازاقستانعا جاساعان مەملەكەتتىك ساپارى ەكى ەلدىڭ قارىم- قاتىناسىن ودان ءارى دامىتۋعا قۋاتتى سەرپىن بەرگەنى اتالىپ ءوتتى.

م. نۇرتىلەۋ كورەيا رەسپۋبليكاسى قازاقستاننىڭ ەڭ ءىرى 5 ينۆەستورىنىڭ قاتارىنا كىرەتىنىن جانە وتكەن جىلدىڭ قورىتىندىسى بويىنشا ەكىجاقتى ساۋدا كولەمى 6 ملرد اقش دوللارىنا جەتكەنىن ايتتى. ىسكەرلىك بايلانىستاردى جانداندىرۋ جانە ينۆەستيتسيالىق ءوزارا ءىس- قيمىلدى كەڭەيتۋ ۇسىنىلدى.

سيفرلىق جانە ءبىلىم بەرۋ جوبالارى دا كەلىسسوزدەردىڭ ماڭىزدى تاقىرىبىنا اينالدى. كەزدەسۋ بارىسىندا قازاقستان مەن كورەيا رەسپۋبليكاسى «Astana Hub» IT- پاركىن دامىتۋ شەڭبەرىندە، سونداي- اق جاساندى ينتەللەكت جانە ۇلكەن دەرەكتەر جونىندەگى ۇلتتىق ورتالىقتى قۇرۋ ماسەلەلەرى بويىنشا ىنتىماقتاسىپ جاتقانى ايتىلدى. «SeoulTech» ۋنيۆەرسيتەتى سياقتى كورەي جوعارى وقۋ ورىندارىنىڭ قولداۋىمەن ەلىمىزدە جاڭا ءبىلىم بەرۋ جانە عىلىمي مەكەمەلەر اشۋ جوسپارلانۋدا.

گۋمانيتارلىق بايلانىستار ەكىجاقتى سەرىكتەستىكتىڭ ماڭىزدى اسپەكتىسى بولىپ قالا بەرەدى. م. نۇرتىلەۋ قازاقستاندا تۇراتىن 120 مىڭ كورەي حالىقتار اراسىنداعى «التىن كوپىر» ءرولىن اتقاراتىنىن اتاپ ءوتتى.

«ەكى ەلدىڭ مادەني- گۋمانيتارلىق بايلانىستارىنىڭ ۇدەمەلى دامۋى، سونداي- اق ەكىجاقتى ۆيزاسىز رەجيم، ەكى ەلدىڭ استانالارى اراسىندا جاڭا تىكەلەي اۋە رەيستەرىنىڭ اشىلۋى جانە ءوسىپ كەلە جاتقان تۋريستىك اعىن ءبىزدىڭ حالىقتارىمىزدى ودان ءارى جاقىنداستىرۋدا» ، - دەدى ق ر س ءى م باسشىسى.

ءوز كەزەگىندە كورەيا رەسپۋبليكاسى سىرتقى ساياسي ۆەدومستۆوسىنىڭ باسشىسى قازاقستان ورتالىق ازياداعى ەڭ ادال جانە سەنىمدى سەرىكتەس ەكەنىن اتاپ ءوتتى. ء«سىزدىڭ وڭىرىڭىزگە سالىنعان كورەي ينۆەستيتسياسىنىڭ جارتىسىنان كوبى ءسىزدىڭ ەلىڭىزگە تيەسىلى، سوندىقتان ءبىز دوستىق قارىم- قاتىناسىمىزدى وتە جوعارى باعالايمىز»، - دەدى ول.

ناتيجەلى كەلىسسوزدەردىڭ قورىتىندىسى بويىنشا سىرتقى ساياسي ۆەدومستۆولاردىڭ باسشىلارى جوعارى دەڭگەيدە ساپارلار وتكىزۋ جانە باسىم سالالاردا جاڭا باستامالار ازىرلەۋ تۋرالى ۋاعدالاستىقتاردى قامتيتىن قازاقستان رەسپۋبليكاسى مەن كورەيا رەسپۋبليكاسىنىڭ سىرتقى ىستەر مينيسترلىكتەرى اراسىنداعى 2025-2027 -جىلدارعا ارنالعان ىنتىماقتاستىق جونىندەگى ءىس- قيمىل جوسپارىنا قول قويدى.

قازاقستان سىرتقى ىستەر ءمينيسترىنىڭ كورەيا رەسپۋبليكاسىنا رەسمي ساپارى اياسىندا قازاقستاننىڭ تۋريستىك الەۋەتىنە ارنالعان قازاق- كورەي مادەني فوتوكورمەسى ءوتتى، ول اعىمداعى جىلدىڭ 5 -قاراشاسىنا دەيىن جالعاسادى.