- 2025 -جىلدىڭ قورىتىندىسىندا قازاقستان مۇنايىن اتالعان باعىتتا جەتكىزۋ شارۋاشىلىق جۇرگىزۋشى سۋبەكتىلەر اراسىنداعى كوممەرتسيالىق كەلىسىمشارتتار اياسىندا جۇزەگە اسىرىلدى. بۇل رەتتە مينيسترلىك مۇناي ەكسپورتىنىڭ جەكەلەگەن ەلدەر بويىنشا ەسەبىن جۇرگىزبەيدى. اتالعان اقپارات قارجى مينيسترلىگى مەملەكەتتىك كىرىستەر كوميتەتىنىڭ قۇزىرەتىنە جاتادى. مينيسترلىك ءوز كەزەگىندە ەكسپورتتىق باعىتتاردى ۇيلەستىرۋدى جۇزەگە اسىرادى جانە ءوندىرۋ مەن جەتكىزۋدىڭ جالپى تەڭگەرىمىن قامتاماسىز ەتەدى، - دەپ اتاپ ءوتتى مينيسترلىكتەن اگەنتتىك ساۋالىنا وراي.
ۆەدومستۆو مالىمەتىنشە، جاقىندا ەنەرگەتيكا ءمينيسترى ەرلان اقكەنجەنوۆتىڭ كورەيا رەسپۋبليكاسىنىڭ ساۋدا، ونەركاسىپ جانە رەسۋرستار ءمينيسترى كيم چون كۆانمەن كەزدەسۋى بارىسىندا ەنەرگەتيكا سالاسىنداعى ەكىجاقتى ىنتىماقتاستىقتى دامىتۋ ماسەلەلەرى تالقىلاندى. تاراپتار ءوزارا ءىس- قيمىلدى كەڭەيتۋگە جانە ەنەرگيا رەسۋرستارىن جەتكىزۋ باعىتتارىن ءارتاراپتاندىرۋعا ءوزارا مۇددەلىلىك تانىتاتىنىن راستادى.
- 2026 -جىلعا ارنالعان جوسپارلارعا قاتىستى ايتار بولساق، قازىرگى ۋاقىتتا كورەيا رەسپۋبليكاسىنا مۇناي ەكسپورتىنىڭ ناقتى كولەمى ايقىندالماعان جانە ولار نارىق قاتىسۋشىلارى اراسىنداعى كوممەرتسيالىق كەلىسىمدەرگە، سونداي- اق ەكونوميكالىق ورىندىلىق پەن لوگيستيكالىق مۇمكىندىكتەردى ەسكەرە وتىرىپ قالىپتاستىرىلاتىن بولادى. جالپى، مينيسترلىك مۇناي ەكسپورتىن جەتكىزۋ گەوگرافياسىن كەڭەيتۋدى جانە شەتەلدىك ارىپتەستەرمەن ءوزارا ءتيىمدى ىنتىماقتاستىقتى دامىتۋدى جۇيەلى تۇردە قولدايدى. بۇل رەتتە شارۋاشىلىق جۇرگىزۋشى سۋبەكتىلەردىڭ وپەراتسيالىق قىزمەتىنە ارالاسپايدى، - دەدى ەنەرگەتيكا مينيسترلىگىنەن.
مينيسترلىكتىڭ ناقتىلاي تۇسۋىنشە، شيكى مۇنايدى ساتىپ الىپ، ونى ءارى قاراي ەكسپورتقا جانە ىشكى نارىققا جەتكىزۋ، سونداي- اق دايىن مۇناي ونىمدەرىن ساتىپ الۋ ماسەلەلەرى ءوزارا ءتيىمدى شارتتار نەگىزىندە شارۋاشىلىق جۇرگىزۋشى سۋبەكتىلەر اراسىنداعى كەلىسسوزدەر ۇدەرىسىنە جاتادى. «كاسىپكەرلىك كودەكسىنىڭ» 18-بابىنا سايكەس، مەملەكەتتىڭ كاسىپكەرلىك سۋبەكتىلەرىنىڭ، ولاردىڭ بىرلەستىكتەرىنىڭ قىزمەتىنە زاڭسىز ارالاسىنا، سونداي- اق اتالعان بىرلەستىكتەردىڭ مەملەكەت ىسىنە ارالاسۋىنا جانە ولارعا مەملەكەتتىك ورگانداردىڭ فۋنكتسيالارىن جۇكتەۋگە جول بەرىلمەيدى.
بۇعان دەيىن وڭتۇستىك كورەيا قازاقستاننان 18 ميلليون باررەل مۇناي ساتىپ الۋعا كەلىسكەنىن جازعان ەدىك.