كوروناۆيرۋستىڭ قاي ەلدەن شىققانى ايتىلدى

قىتاي ۇكىمەتى COVID-19 ىندەتىنىڭ شىعۋ تەگى تۋرالى جاڭا دەرەكتەردى جاريالاپ، SARS- CoV-2 ۆيرۋسى ۋحان قالاسىنان بۇرىن ا ق ش-تا پايدا بولۋى مۇمكىن ەكەنىن مالىمدەدى. بۇل تۋرالى قىتاي مەملەكەتتىك كەڭەسىنىڭ اقپارات باسقارماسى جاريالاعان «اق كىتاپتا» ايتىلعان، دەپ حابارلايدى BAQ. KZ باسىلىمى Daily Mail-عا سىلتەمە جاساپ.

COVID-19 ىندەتى ا ق ش-تا پايدا بولۋى مۇمكىن دەگەن سالماقتى دالەلدەر بار، - دەلىنگەن قۇجاتتا.

سونداي-اق، قىتاي تارابى ا ق ش-تى ىندەتتىڭ شىعۋ تەگىن مۇقيات زەرتتەپ، حالىقارالىق قوعامداستىقتىڭ الاڭداۋشىلىعىنا ناقتى جاۋاپ بەرۋگە شاقىردى.

«اق كىتاپتا» ا ق ش-تىڭ توعىز شتاتىندا جۇرگىزىلگەن سەرولوگيالىق زەرتتەۋ ناتيجەلەرى كەلتىرىلگەن. ا ق ش-تىڭ اۋرۋلاردى باقىلاۋ جانە الدىن الۋ ورتالىعى (CDC) 2019 -جىلدىڭ 13-جەلتوقسانىنان 2020 -جىلدىڭ 17-قاڭتارىنا دەيىنگى ارالىقتا الىنعان 7389 قان ۇلگىسىنىڭ 106-نان SARS- CoV-2 انتيدەنەلەرى تابىلعانىن حابارلاعان. بۇل - ىندەت ا ق ش-تا رەسمي تىركەلگەن العاشقى جاعدايعا دەيىن تارالعانىن كورسەتۋى مۇمكىن.

قىتاي ۇكىمەتى ا ق ش-تى دۇنيەجۇزىلىك دەنساۋلىق ساقتاۋ ۇيىمىنا (د د ۇ) ىندەتتىڭ العاشقى بەلگىلەرى تۋرالى دەر كەزىندە اقپارات بەرمەدى دەپ ايىپتاپ وتىر.
«ا ق ش جاۋاپكەرشىلىكتەن جالتارۋدى، كىنانى سىرتقا اۋدارۋدى توقتاتۋى ءتيىس. امەريكا ءوز ىشكى پروبلەمالارىنا سىرتتان سىلتاۋ ىزدەمەي، دەنساۋلىق ساقتاۋ ساياساتىن قايتا قاراۋى قاجەت»، - دەلىنگەن قىتاي ۇكىمەتىنىڭ مالىمدەمەسىندە.

ەسكە سالا كەتەيىك، بۇعان دەيىن ا ق ش كونگرەسى ەكى جىلدىق زەرتتەۋ ناتيجەسىندە COVID-19 ۆيرۋسىنىڭ زەرتحانادان تارالۋى مۇمكىن دەگەن قورىتىندىعا كەلگەن بولاتىن.