استانا. KAZINFORM - رەسەيدىڭ ومبى قالاسىندا كوركەم گيمناستيكادان ەكى دۇركىن وليمپيادا چەمپيونى ەۆگەنيا كانايەۆانىڭ جۇلدەسى ءۇشىن حالىقارالىق تۋرنير باستالدى.
ۇلتتىق وليمپيادالىق كوميتەتتىڭ مالىمەتىنشە، حالىقارالىق جارىستىڭ العاشقى كۇنىندە توپتىق جاتتىعۋدان قازاقستان كومانداسى كوپسايىستان قولا جۇلدەگە قول جەتكىزدى. بۇل سىندا التىندى رەسەي، كۇمىستى بەلارۋس قۇرامالارى ەنشىلەدى.
ايتا كەتەلىك، حالىقارالىق تۋرنيردە توپتىق جاتتىعۋدان بولەك ميلانا پارفيلوۆا، زەرە باقىتجان قىزى، رابيا امانقوس جانە ناديا قاناپيانىڭ ونەرىن تاماشالايمىز.
ەسكە سالا كەتەيىك، بۇعان دەيىن دزيۋدوشى ەلدوس سمەتوۆتىڭ پاريج وليمپياداسىنا جولداما العانىن حابارلاعان ەدىك.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.