ەكونوميكالىق قىلمىس: الماتىدا 47 ميلليارد تەڭگە قايتارىلدى

الماتى. KAZINFORM - الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا ەكونوميكالىق تەرگەۋ دەپارتامەنتى جۇمىسىنىڭ بيىلعى ناتيجەلەرى ايتىلدى.

الماتى قالاسى بويىنشا ەكونوميكالىق تەرگەۋ دەپارتامەنتىنىڭ باسشىسى دانيار اقجانوۆتىڭ ايتۋىنشا، جىل باسىنان بەرى الماتىدا 111 ەكونوميكالىق قىلمىس تىركەلگەن، ونىڭ 79-ى سوتقا جىبەرىلدى.

- اۋىر قىلمىستار بويىنشا 68 جاعداي تىركەلدى. تەرگەۋ ناتيجەسىندە 47,7 ميلليارد تەڭگە قايتارىلدى. اقشانى جىلىستاتۋ جانە زاڭسىز ارەكەتتەردى قارجىلاندىرۋ ءۇشىن ءجيى قولدانىلاتىن تسيفرلىق اكتيۆتەردىڭ زاڭسىز اينالىمىمەن كۇرەسۋگە باسا نازار اۋدارىلادى. 2023 -جىلعى 6-اقپاندا كۇشىنە ەنگەن «ق ر-داعى سيفرلىق اكتيۆتەر تۋرالى» جاڭا زاڭعا سايكەس قازاقستان اۋماعىندا «استانا» حالىقارالىق قارجى ورتالىعىنىڭ اۋماعىن قوسپاعاندا، قامتاماسىز ەتىلمەگەن سيفرلىق اكتيۆتەردى شىعارۋعا تىيىم سالىنادى، - دەدى دانيار اقجانوۆ.

سونىمەن قاتار سپيكەر قازىرگى ۋاقىتتا كريپتوۆاليۋتا كولەڭكەلى ونلاين نارىقتاردا بەلسەندى قولدانىلاتىنىن اتاپ ءوتتى.

ونىڭ ايتۋىنشا، قازىرگى ۋاقىتتا دەپارتامەنت 58,5 ميلليون ا ق ش دوللارىنان استام سوماعا سيفرلىق اكتيۆتەردى ايىرباستاۋ جونىندەگى زاڭسىز قىزمەتكە بايلانىستى التى قىلمىستىق ءىستى تەرگەپ جاتىر. الدىن الۋ ماقساتىندا «كيبەرنادزور» جۇيەسى ارقىلى وسىنداي قىزمەتپەن اينالىساتىن 134 ينتەرنەت-رەسۋرس بۇعاتتالدى. سونداي-اق كريپتوۆاليۋتانى زاڭسىز پايدالانۋ جاعدايلارىن بەلسەندى تۇردە زەرتتەيتىن سيفرلىق اكتيۆتەر سالاسىنداعى قۇقىق بۇزۋشىلىقتارمەن كۇرەسۋ ءۇشىن ارنايى «كريپتون» بولىمشەسى قۇرىلدى.

ەسكە سالايىق، بۇعان دەيىن قۇقىعى بۇزىلعان الماتىلىق تۇتىنۋشىلار بيىل 300 ميلليون تەڭگە قايتارىپ العانىن جازعانبىز.

اۆتور

دوسبول اتاجان