- ءبىزدى كوپ دۇنيە بايلانىستىرادى: رۋحاني قۇندىلىقتار، داستۇرلەر، مادەنيەت. مەن بۇل سىيلىققا لايىقتى دەپ تانىلعانىمدى ماقتان تۇتامىن. مەنىڭ ويىمشا، بۇل مەنىڭ حالقىما كورسەتىلگەن قۇرمەت پەن العىس. الەم ەلدەرىن ارالاپ، كونسەرتتەرگە قاتىسقاندا مەنى ءاردايىم وزبەكستانمەن بىرگە، قازاقستاننىڭ حالىق ءارتىسى، دەپ حابارلاۋىن سۇرايمىن. وسى ورايدا، كەڭپەيىل قازاق حالقىنا جانە پرەزيدەنت قاسىم-جومارت توقايەۆقا العىسىمدى بىلدىرەمىن، - دەدى فاررۋح زاكيروۆ.
سونىمەن قاتار ءانشى بيىل «ياللا» انسامبلىنىڭ 55 جىلدىعىنا وراي الەمدىك تۋرنە ۇيىمداستىرىلاتىنىن جەتكىزدى. بۇل رەتتە العاشقى كونسەرت قازاقستاندا وتەدى.
- مەن قازاقستاننىڭ حالىق ءارتىسى اتاعىن الماتىدا العانمىن. سوندىقتان تۋرنەنى وسى قالادان باستايمىز، - دەپ مالىمدەدى فاررۋح زاكيروۆ.
ەسكە سالايىق، بۇگىن تاشكەنتتە ءانشى فاررۋح زاكيروۆكە قازاقستان پرەزيدەنتى اتىنان «دوستىق» وردەنىن تابىستاۋ سالتاناتى ءوتتى.
اۆتور
ءاليحان اسقار