دەنە شىنىقتىرۋ جانە سپورت ىستەرى كوميتەتىنىڭ مالىمەتىنشە، ولەگ سوكولەنكو Shenanigan اتتى تۇلپارىمەن كەدەرگىلەر بيىكتىگى 125 س م بولاتىن باعىتتا جەڭىسكە جەتىپ، ۇلتتىق قۇرامانىڭ قورجىنىنا ءۇشىنشى التىندى سالدى.
بۇعان دەيىن جارىستىڭ العاشقى كۇنى بەكجان بايجان ۇلى King Diamond تۇلپارىمەن 120 سم كەدەرگىلەر باعىتىندا، ال كسەنيا باتالوۆا Lady Di تۇلپارىمەن 140 س م باعىتتا توپ جارعان.
سونىمەن قاتار ولەگ سوكولەنكو تاشكەنتتەگى جارىستا ءبىر كۇمىس جانە ءبىر قولا مەدال جەڭىپ العان. 24 -ساۋىردە 140 س م كەدەرگىلەر باعىتىندا (الەم كۋبوگى مەن گران- پري كەزەڭىنە ىرىكتەۋ) Cinderella تۇلپارىمەن ەكىنشى ورىن السا، 120 س م باعىتتا Shenanigan-مەن ءۇشىنشى بولىپ مارەگە جەتكەن.
تاعى ءبىر قولا جۇلدەنى نۇريلا تۇرىسبەكوۆا Quibelle van D’abelendreef تۇلپارىمەن جەڭىپ الدى.
قازىرگى ۋاقىتتا قازاقستان قۇراماسىنىڭ قورجىنىندا 3 التىن، 1 كۇمىس جانە 2 قولا مەدال بار. تۋرنير 26- ساۋىردە اياقتالادى.
الدا كوماندا FEI Jumping World Cup Grand Prix Eurasian League كەزەڭىندە باق سىنايدى. بۇل جارىستا سپورتشىلار كەدەرگىلەر بيىكتىگى 155 س م- گە دەيىنگى باعىتتا سىنعا تۇسەدى.
ايتا كەتەيىك، بۇعان دەيىن قازاقستاندا 2026 -جىلى ات سپورتى بويىنشا ءۇش حالىقارالىق تۋرنير وتكىزۋ جوسپارلانىپ وتىرعانى حابارلانعان.