«پەترۋ بوگدانوۆۋ 1899» دەگەن جازۋى بار بۇل التىن تەڭگە ⅩⅨ عاسىردىڭ سوڭىنداعى مادەني بايلىققا جاتادى، دەپ حابارلايدى Kazinform وزبەكستان باس پروكۋراتۋراسى جانىنداعى ەكونوميكالىق قىلمىسقا قارسى كۇرەس دەپارتامەنتىنىڭ باسپا ءسوز قىزمەتىنە سىلتەمە جاساپ.
ەكونوميكالىق قىلمىسقا قارسى كۇرەس باسقارماسى سۇرحانداريا وبلىسىندا ازاماتتار ج. ا. جانە ا. ج. ازامات ا. ە. -گە ⅩⅨ عاسىردىڭ سوڭىنداعى مادەني بايلىققا جاتاتىن، سالماعى 61,69 گرام بولاتىن «پەترۋ بوگدانوۆۋ 1899» دەگەن جازۋى بار كونە التىن تەڭگەنى 100 000 ا ق ش دوللارىنا ساتىپ جاتقان كەزدە زاتتاي ايعاقتارمەن ۇستادى.
وسى جاعدايعا بايلانىستى وزبەكستان قىلمىستىق كودەكسىنىڭ 177-بابى (ۆاليۋتا قۇندىلىقتارىن زاڭسىز يەمدەنۋ نەمەسە وتكىزۋ) بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан