كوممۋنالدىق تاريفتەر وزگەرەدى -ۇلتتىق ەكونوميكا ءمينيسترى

  استانا. KAZINFORM -قازاقستاندا بارلىق كوممۋنالدىق قىزمەت بويىنشا تاريف وسەدى. بۇل تۋرالى ق ر ۇلتتىق ەكونوميكا ءمينيسترى الىبەك قۋانتىروۆ ايتىپ بەردى.

«سۋ بويىنشا تاريف وتە تومەن. وتكەن جىلى ب ق و- عا بارعانىمدا ءبىر تەكشە سۋ 44 تەڭگە بولعان. ارينە، سۋدى ءتيىمسىز پايدالانۋ بولادى. ەگەر مونشاعا بارساڭىز سۋدىڭ اعىل-تەگىل توگىلىپ جاتقانىن كورەسىز. سۋ -ەڭ ماڭىزدى رەسۋرس، سوندىقتان ونى ۇنەمدەۋ كەرەك. تاريف وسەدى. قازىر سۋ بويىنشا 200-500 تەڭگە تولەنەدى، مۇندا اگرەسسيۆتى تۇردە كوتەرۋگە بولادى. ايتپەسە، ەش ۇنەمدەۋ بولمايدى»، - دەدى الىبەك قۋانتىروۆ ۇكىمەت ۇيىندە وتكەن باسپا ءسوز ءماسليحاتىندا.

ءمينيستردىڭ ايتۋىنشا، تاريفتەر جىل سايىن تۇزەتىلىپ وتىرادى، ويتكەنى تاريفتىك باعدارلاما جەتى جىلعا سوزىلادى.

«مۇندا ءبارى بىرتىندەپ جاسالادى، حالىق پەن بيزنەس ۇيرەنىپ، ينفلياتسياعا سايكەس كەلۋى كەرەك. مەردىگەرلەر مەن قۇرىلىس ۇيىمدارى فيزيكالىق تۇرعىدان ءبارىن جاڭارتا الۋى قاجەت. بۇل نەگىزىنەن سۋمەن جابدىقتاۋ، سۋ بۇرۋ ءۇشىن جاسالادى. كوشە جۇمىستارى سەكىلدى ماۋسىمدىق جۇمىستاردى قىستا جۇرگىزۋ قيىن. ورتاشا العاندا، كەيبىر سۋبەكتىلەر مەن ت ك ش تۇرلەرى بويىنشا تاريفتەر -15 ءوسۋى مۇمكىن. بەلگىلى ءبىر شەكتەن اسىرماۋعا تىرىسامىز. ايتپەسە، الدەقايدا جوعارى ءوسىم بولار ەدى. تەك ينفلياتسيانى ۇستاپ تۇرۋ كەرەك»، - دەپ ءتۇسىندىردى ول.

ءتاريفتىڭ ءوسۋى بارلىق قىزمەت تۇرلەرىن قامتيدى، ويتكەنى بارلىق ينفراقۇرىلىمنىڭ توزۋى بايقالادى.

«اسىرەسە كارىز جۇيەسى قاتتى توزعان، ال تولەنەتىن اقىسى وتە از. ورتاشا العاندا، ەكى بولمەلى پاتەر كارىز ءۇشىن 200 تەڭگە تولەيدى. مۇنى كوتەرۋ كەرەك. ءتاريفتىڭ جالپى ءوسۋىنىڭ قالتاعا سالماق سالماۋىن دا ەسكەرەمىز. سونىمەن قاتار، بيىل تاعى 40 مىڭ وتباسىنا تاريفتەردىڭ ءوسۋى ءۇشىن وتەماقى تولەۋ جوسپارلانۋدا. بۇرىن تاريفتەر وتباسى تابىسىنىڭ دان استامىنا جەتسە، وتەماقى بەرىلەتىن. قازىر بۇل شەك  عا دەيىن تومەندەتىلدى. ياعني كوبىرەك وتباسىنى قامتيمىز»، - دەدى ءا. قۋانتىروۆ.

اۆتور

ايجان سەرىكجان قىزى