الماتىدا كولىكتى سىندىرىپ، توبەلەس شىعارعان بۇزاقىلار ۇستالدى

استانا. قازاقپارات - الماتىدا ەر ادام بوتەننىڭ كولىگىن قاساقانا ءبۇلدىرىپ، ءبىر توپ اداممەن توبەلەس شىعاردى، - دەپ حابارلايدى Tengrinews.kz ءتىلشىسى.

وقيعا ۆيدەوعا ءتۇسىپ قالعان. كادرلاردان ەر ادامنىڭ تۇراقتا تۇرعان كولىككە جاقىنداپ، جۇكسالعىشتى كۇشپەن جاپقانى كورىنەدى. سودان كەيىن ول قولىنداعى زاتپەن ارتقى تەرەزەنى سىندىرىپ، كولىكتىڭ بامپەرىن تەپپەك بولادى. تانىستارى ونى ۇستاپ، الىپ كەتۋگە تىرىسادى، ءبىراق دەس بەرمەيدى.

ەر ادام قارسىلاسىنا پىشاقپەن شابۋىل جاساماق بولعانى ايتىلادى.

الماتى پوليتسيا دەپارتامەنتى وقيعاعا قاتىسۋشىلار ۇستالعانىن حابارلادى.

«بوتەننىڭ مۇلكىنە قاساقانا زاقىم كەلتىرۋ دەرەگى بويىنشا قىلمىستىق ءىس قوزعالدى. كۇدىكتىلەر انىقتالدى جانە ۇستالدى. ولار مىندەتتى تۇردە جاۋاپقا تارتىلادى. باسقا جاعدايلار انىقتالىپ جاتىر»، - دەپ ءتۇسىندىردى ۆەدومستۆو وكىلدەرى.