قاراپايىم كولىك جۋۋدىڭ ءوزى قورشاعان ورتاعا وراسان زور زيان كەلتىرەدى.
— مۇناي ونىمدەرى مەن حيميا. كولىك شاناعىندا اسفالتتان جينالعان مايلار، جانار-جاعارماي قالدىقتارى، اۋىر مەتالدار جانە ۋلى اۆتوحيميا قالادى. مۇنىڭ ءبارى جۋىلعان كەزدە ەشقانداي سۇزگىسىز تىكەلەي توپىراققا نەمەسە سۋ قويماسىنا تۇسەدى، — دەيدى ماماندار.
سونىمەن قاتار بۇنداي ارەكەتتەن كەيىن توپىراق پەن سۋ لاستانۋى مۇمكىن.
— حيميكاتتار توپىراقتىڭ قۇرىلىمىن بۇزىپ، پايدالى ميكروورگانيزمدەردى جويادى، ال سۋ ايدىندارىنا تۇسكەن جاعدايدا سۋ استىنداعى تىرشىلىككە تۇنشىقتىرۋشى اسەر ەتەدى، — دەپ ءتۇسىندىردى ولار.
ۆەدومستۆو اتاپ وتكەندەي، كولىكتى تەك ارنايى اۆتوجۋۋ ورىندارىندا (مويكالاردا) تازالاۋ كەرەك، ويتكەنى ولاردا اعىندى سۋلاردى تازارتۋ جۇيەلەرى قاراستىرىلعان.
بۇعان دەيىن قوقىسقا تاستالعان دارىلەر تابيعاتقا قالاي اسەر ەتەتىنىن جازعانبىز.