كولىكتەن پوليتسەي مەن تۇرعىن ءولى تابىلدى: الدىن الا سەبەپ جاريالاندى

كوكشەتاۋ. KAZINFORM - اقمولا وبلىسىندا كولىكتىڭ ىشىندە كومىرتەگى توتىعىمەن ۋلانعان ەكى ادامنىڭ دەنەسى تابىلدى.

اقمولا وبلىسى پ د باسپا ءسوز قىزمەتىنىڭ مالىمەتىنشە، ناۋرىزدىڭ 5 ى كۇنى ساعات 08:05 شاماسىندا ەسىل اۋداندىق پوليتسيا بولىمىنە ەسىل قالاسىنداعى اۆتوجۋۋ اۋماعىندا «Audi A6» كولىگىنىڭ سالونىنان ەكى ادامنىڭ دەنەسى تابىلعانى تۋرالى حابار كەلىپ ءتۇستى.

«انىقتالعانداي، ەكى جاس جىگىت تۇندە كولىك جۋۋ ورنىنا كىرىپ، كولىكتىڭ ىشىندە ۇيىقتاپ قالعان. ولاردىڭ دەنەسىنەن زورلىق-زومبىلىقتىڭ ىزدەرى تابىلعان جوق. ساراپتاما تاعايىندالدى. ءولىمنىڭ الدىن-الا سەبەبى - كومىرتەگى توتىعىمەن ۋلانۋ»، - دەدى Kazinform ءتىلشىسىنىڭ ساۋالىنا بەرگەن جاۋابىندا اقمولا وبلىسى پ د باسپا ءسوز قىزمەتى وكىلدەرى.

ايتا كەتسەك، بۇدان بۇرىن ەكى ادامدى ولتىرگەن كوكشەتاۋلىق ءومىر بويىنا باس بوستاندىعىنان ايىرىلعانىن جازعان ەدىك.

اۆتور

اسلان وسپانوۆ