قۇقىق بۇزۋشىلار الەۋمەتتىك جەلىلەرگە جۇرگىزىلگەن مونيتورينگ بارىسىندا انىقتالعان.
«پوليتسيا قىزمەتكەرلەرى ءجۇرىپ بارا جاتقان كولىك جولاۋشىسى اينەكتەن اياعىن شىعارىپ، وزىنە جانە وزگە دە جول قوزعالىسىنا قاتىسۋشىلارعا قاۋىپ توندىرگەن بەينەجازبانى انىقتادى»، - دەپ جازىلعان حابارلامادا.
تەكسەرۋ ءىس-شارالارىنىڭ ناتيجەسىندە جۇرگىزۋشى مەن جولاۋشى انىقتالدى. قۇقىق بۇزۋشىلار زاڭ اياسىندا جاۋاپكەرشىلىككە تارتىلىپ، پروفيلاكتيكالىق اڭگىمە جۇرگىزىلدى.
پوليتسيا جول قوزعالىسى كەزىندە ءتارتىپ پەن قاۋىپسىزدىك تالاپتارىن ساقتاماۋ اۋىر سالدارعا اكەلۋى مۇمكىن ەكەنىن ەسكە سالىپ، مۇنداي قۇقىق بۇزۋشىلىقتارعا جول بەرىلمەيتىنىن ەسكەرتتى