ەكولوگيالىق زاڭنامانى بۇزعان پاۆلودارلىق كاسىپورىندارعا 44 ميلليون تەڭگە ايىپپۇل سالىندى

پاۆلودار. KAZINFORM - جىل باسىنان وڭىرلىك ەكولوگيا دەپارتامەنتى 70 كاسىپكەرلىك سۋبەكتىسىن تەكسەرىپ، 98 زاڭ بۇزۋشىلىقتى انىقتاعان. باقىلاۋ ناتيجەلەرى بويىنشا 44 ميلليون تەڭگەدەن استام سوماعا 47 اكىمشىلىك ايىپپۇل سالىندى.

بۇل تۋرالى ەكولوگيا دەپارتامەنتىنەن حابارلادى.

- جىلدىڭ العاشقى 9 ايىندا 70 كاسىپكەرلىك سۋبەكتىسى تەكسەرىلىپ، ناتيجەسىندە ەكولوگيالىق زاڭناما تالاپتارىن بۇزۋدىڭ 98 جاعدايى انىقتالدى. جالپى سوماسى 44 ميلليون تەڭگەدەن استام سوماعا 47 اكىمشىلىك ايىپپۇل سالىندى. دەپارتامەنت كەمشىلىكتەردى جويۋ بويىنشا 39 ۇيعارىم بەردى، ونىڭ 25 ى ورىندالدى. كەيبىر كاسىپورىندا رۇقسات قاعازدارىنىڭ سايكەس بولماۋى انىقتالدى. اتاپ ايتقاندا، «اقسۋ فەرروقورىتپا زاۋىتى» ا ق جانە «قۇرىلىس ماتەريالدارى زاۋىتى» ج ش س ەكولوگيالىق رۇقسات قاعازدارىنىڭ بولماعانى ءۇشىن اكىمشىلىك جاۋاپكەرشىلىككە تارتىلدى، - دەپ حابارلادى دەپارتامەنتتەن.

پاۆلودار وبلىسىنىڭ اۋماعىندا 15 كاسىپورىن اۆتوماتتاندىرىلعان مونيتورينگ جۇيەلەرىن (ا م ج) ورناتۋعا مىندەتتەلگەن. قازىرگى تاڭدا 10 كاسىپورىن (g) بۇل جۇيەلەردى ورناتتى، ولاردىڭ 3 ى دەرەكتەردى اۋدارۋمەن بىرگە اقپاراتتىق جۇيەگە قوسىلدى. ال بەس كاسىپورىن قوسۋ كەزەڭىندە تۇرسا، بىرەۋى تەستىلەۋ رەجيمىندە.

ا م ج- ءىن ورناتۋ تالاپتارىن ساقتاماعانى ءۇشىن دەپارتامەنت 6 نىسانعا 2 ميلليون تەڭگەگە اكىمشىلىك شەكتەۋلەر قويعان.

ەسكە سالا كەتەيىك، پاۆلوداردا عارىشتىق مونيتورينگ دەرەكتەرى بويىنشا 186 زاڭسىز قوقىس ءۇيىندىسى جويىلدى.