ەكولوگيا مينيسترلىگى فوتوتۇزاقتىڭ كومەگىمەن سۇتقورەكتىلەردىڭ بيوالۋانتۇرلىلىگىن زەرتتەمەك
استانا. KAZINFORM – ق ر ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى شارىن مەملەكەتتىك ۇلتتىق تابيعي پاركىنىڭ اۋماعىندا سۇتقورەكتىلەردىڭ بيوالۋانتۇرلىلىگىن زەرتتەۋ ءۇشىن فوتوتۇزاق ورناتقان.
بۇل تۋرالى كوميتەتتىڭ Instagram پاراقشاسىنان ءمالىم بولدى.
وندا ورناتىلعان قۇرىلعىلار جانۋارلاردى باقىلاۋ جانە ەسەپكە الۋ ءۇشىن وتە ءتيىمدى قۇرال بولىپ تابىلاتىندىعى ايتىلادى.
«كادرلار 2024 -جىلى شارىن مەملەكەتتىك ۇلتتىق تابيعي پاركىندە ورناتىلعان فوتوتۇزاقتار ارقىلى تۇسىرىلگەن. تومەندە قازاقستاننىڭ تاۋلى ايماعىنداعى جانۋارلار - تاۋتەكە مەن تۇلكىنىڭ سۋرەتتەرى كەلتىرىلگەن. ءاربىر تىركەلگەن كادر تابيعاتىمىزدىڭ بايلىعىن جانە ونى قورعاۋدىڭ ماڭىزدىلىعىن ەسكە سالادى. تابيعاتتى ساقتاۋ ءۇشىن بىرگە جۇمىس جاسايىق!»، - دەلىنگەن ق ر ە ت ر م ورمان شارۋاشىلىعى جانە جانۋارلار دۇنيەسى كوميتەتىنىڭ Instagram-داعى رەسمي پاراقشاسىندا.