اقتاۋ. KAZINFORM - ماڭعىستاۋ وبلىستىق ەكولوگيا دەپارتامەنتى ماماندارى كاسپي تەڭىزىنىڭ قىزىل تۇسكە بويالۋ قۇبىلىسىنا بايلانىستى 2025-جىلدىڭ 12-اقپان كۇنى تەڭىز سۋىنان سىناما الىپ، حيميالىق جانە مۇناي ونىمدەرىنە تالداۋ جۇمىستارىن جۇرگىزگەن بولاتىن. سىناما قورىتىندىسى بويىنشا قاۋىپتى ەشتەڭە انىقتالماعان.
- تالداۋ قورىتىندىسىنا سايكەس لاستاۋشى زاتتار انىقتالمادى. ءبارى قالىپتى بولىپ شىقتى. بالدىرلار سۋعا قويۋ قوڭىر، قىزىل ءتۇس بەرەدى. بىزدە قار جاۋىپ، وسى جولى قۇبىلىس ايقىنىراق كورىندى. بالدىرلار تاياز سۋدا، اتاپ ايتقاندا، ءبىزدىڭ جاعالاۋدا وسەدى. ولار بار جەرلەردە سۋدىڭ ءتۇسى وزگەرىپ تۇرادى. ارينە، ءبىز بۇل تابيعي قۇبىلىس تۋرالى بىلسەك تە، سۋدىڭ كۇيىن تەكسەرۋگە مىندەتتىمىز، - دەيدى ماڭعىستاۋ وبلىستىق ەكولوگيا دەپارتامەنتىنىڭ ءبولىم باسشىسى قايسار نادىربەك.
بۇعان دەيىن، اقتاۋدا كاسپيي تەڭىزىنىڭ جاعالاۋى قىزىل تۇسكە بويالىپ، تۇرعىنداردى الاڭداتقانى تۋرالى جازعان بولاتىنبىز.
سونداي-اق كاسپي تەڭىزىنىڭ جاعالاۋدان الىستاپ بارا جاتقانىن حابارلاعان ەدىك.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.