بۇعان دەيىن كولۋمبيا يزرايلدەن قارۋ ساتىپ الۋدى توقتاتقان بولاتىن.
«ەرتەڭ (بەيسەنبى) يزرايل مەملەكەتىمەن ديپلوماتيالىق قارىم-قاتىناستار ۇزىلەدى... ويتكەنى ولاردىڭ ۇكىمەتى مەن پرەزيدەنتى گەنوتسيد جاساۋدا»، - دەدى پەتر بوگوتاداعى 1-مامىر شەرۋىندە.
كولۋمبيا پرەزيدەنتى بۇعان دەيىن 7-قازاندا يزرايلگە شابۋىل جاساعان حاماس توبىنا قارسى سوعىستى بىرنەشە رەت قاتاڭ سىنعا العان بولاتىن.
«ەگەر پالەستينا قۇرىسا، ادامزات تا قۇريدى»، - دەدى پەتر پالەستينانى قولدايتىن پلاكاتتار ۇستاعان كوپشىلىك الدىندا.
يزرايل بيلىگى پەترونىڭ سوزدەرىن انتيسەميتتىك جانە وشپەندىلىك تۋدىراتىن سوزدەر دەپ اتاپ، كولۋمبيا پرەزيدەنتىنىڭ ۇستانىمى حاماس- تى جاقتاۋعا پاراپار دەپ سانايدى.
«تاريح گۋستاۆو پەترونىڭ سابيلەردى ورتەگەن، بالالاردى ولتىرگەن، ايەلدەردى زورلاعان جانە جازىقسىز بەيبىت تۇرعىنداردى ۇرلاعان ادامزاتقا بەلگىلى ەڭ جيىركەنىشتى قۇبىجىقتارمەن بىرگە بولۋدى شەشكەنىن ۇمىتپايدى»، - دەپ جازدى يزرايل سىرتقى ىستەر ءمينيسترى يسراەل كاتس X الەۋمەتتىك جەلىسىندە.
كولۋمبيانىڭ ەۆرەي قاۋىمداستىعىنىڭ كونفەدەراتسياسى ەكى ەل اراسىنداعى قارىم- قاتىناستاردى باۋىرلاستىق دەپ اتاعان مالىمدەمە جاساپ، «وسى بايلانىستاردى ساقتاۋعا، ديالوگ ءۇشىن اشىق ارنالاردى قالدىرۋعا» شاقىردى.
راديكالدى پالەستينا توبى بۇل وقيعانى ءوز تاراپىنان «جەڭىس» دەپ اتادى.
يزرايل 7-قازاندا حاماس شابۋىلىنان كەيىن گازادا شابۋىل جاسادى، وندا 1200 يزرايلدىك قازا تاۋىپ، 250 دەن استم ادام كەپىلگە الىندى.
سودان بەرى گازاداعى حاماس- تىڭ باقىلاۋىنداعى دەنساۋلىق ساقتاۋ مينيسترلىگىنىڭ مالىمەتى بويىنشا، 34 مىڭنان استام پالەستينالىق قازا تاۋىپ، حالىقتىڭ كوپشىلىگى ۇيلەرىن تاستاپ كەتۋگە ءماجبۇر بولدى.