كوللەكسيونەر تۇركىلەر تۋرالى دەرەكتەر كەزدەسەتىن انتيكۆار كىتابىن تانىستىردى

استانا. قازاقپارات - ەلوردالىق كوللەكسيونەر تۇركىلەر تۋرالى العاقشى دەرەكتەر كەزدەسەتىن انتيكۆارلىق كىتابىن تانىستىردى. 1726 -جىلى شىعارىلعان تاريحي باسىلىمدى ونلاين-اۋكسيوننان ساتىپ الىپ، سوناۋ فرانسيادان ەلگە اكەلگەن.

سيرەك كەزدەسەتىن بۇل ەڭبەك ەندى سورەدەگى باسقا دا جيناقتاردى تولىقتىرىپ تۇر. تۇركىلەر جايلى العاشقى دەرەكتەر كەزدەسەتىن كونە باسىلىمنىڭ بارىن كوللەكتسيونەر 5 جىل بۇرىن بىلگەن. كوپ ىزدەنىستەن سوڭ، اۋكسيونعا شىققانىن بايقاپ، قوماقتى قارجىعا ساتىپ الادى. الايدا ونىڭ باعاسى كىتاپ قۇندىلىعىنان ارتىق ەمەس دەيدى.

رەنات رايىمحانوۆ، استانا قالاسىنىڭ تۇرعىنى:

- بۇل قولجازبا تاريحي- راشيدي سەكىلدى تانىمال بولماسا دا، ءوز ەرەكشەلىگى بار. مۇندا بارشا ورتالىق ازيا حالىقتارىنا قاتىستى قۇندى اقپاراتتار جيناقتالعان. جانە بۇل كىتاپتا كارتا بار. سول كارتادا قازاق ورداسى بەينەلەنگەن.

جاس كوللەكسيونەردىڭ قورىندا 20-عا جۋىق سيرەك كىتاپ بار. ولار اعىلشىن، فرانسۋز جانە نەمىس تىلدەرىندە جازىلعان. ەڭ قۇندىسى مۇحاممەد حايدار دۋلاتيدىڭ «تاريحي- راشيدي» تۋىندىسى. سەبەبى بۇل قازاق تاريحىن قوزعايتىن الەمدىك عىلىمي اينالىمداعى جالعىز ەڭبەك. بۇل كىتاپتى دا 3 جىل ىزدەپ، انگليادان ساتىپ العان.

رەنات رايىمحانوۆ، استانا قالاسىنىڭ تۇرعىنى:

- الەمدە سان ءتۇرلى كىتاپ بار. ءبىراق ونىڭ بارلىعىن تاۋىپ، ساتىپ الۋعا مۇمكىندىك بولماي قالادى. ءبىراق بۇل مەنىڭ حوببيىم بولعاندىقتان، ۇنەمى ىزدەنىستە جۇرەمىن. ال ەگەر قۇندى دۇنيە تاپسام، ءوزىمدى زەرتتەۋشى سەزىنەمىن، جاڭالىق اشقانداي بولامىن. مىسالى، مىنا كىتاپ العاشقى شىعارىلىم جانە وسىنداي تاعى بىرەۋى قازاقستاندا بار ما، جوق پا، ناقتى بىلمەيمىن. ءوز باسىم قانشا مۋزەي، كىتاپحانا ارالاسام دا كەزدەستىرمەپپىن.

ەلوردالىق رەناتتىڭ سيرەك كىتاپتارعا دەگەن قىزىعۋشىلىعى وسىدان 10 جىل بۇرىن، شەتەلدە وقىپ جۇرگەن كەزدە پايدا بولعان. ەۋروپاداعى ءتۇرلى انتيكۆارلى كىتاپ دۇكەندەرىن ەرەكشە ۇناتىپ، ءجيى ارالاعانىن ايتادى. ءتىپتى سيرەك كەزدەسەتىن كونە كىتاپتاردى دۇرىس كۇتۋ جولدارىن مەڭگەرىپ الىپتى. قازىر يگىلىگىن كورىپ ءجۇر.

24.kz