كوللەدج بىتىرگەندەردى نەگە جۇمىسقا كوپ الا بەرمەيدى

تاراز. KAZINFORM - بۇگىندە جامبىل وبلىسىنداعى 42 تەحنيكالىق جانە كاسىپتىك ءبىلىم مەكەمەلەرىندە 27 مىڭنان اسا جاستار 103 ماماندىق بويىنشا ءبىلىم الىپ جاتىر. ونىڭ 70 پايىزى مەملەكەتتىك تاپسىرىس نەگىزىندە وقيدى.

سونداي-اق 10 مەملەكەتتىك كوللەدجدە 4 اۋىلشارۋاشىلىق ماماندىقتارى بويىنشا ماماندار دايارلانىپ جاتىر. جاسىراتىنى جوق، مەملەكەتتىك تاپسىرىستىڭ باسىم بولىگى اۋىلشارۋاشىلىعى ماماندىقتارىنا بەرىلگەن.

2023 -جىلى 287 ورىن بولىنسە، 2024 -جىلى بۇل كورسەتكىش 303 گە جەتتى. وسى 10 كوللەدجدە دۋالدى وقىتۋ جۇيەسى ەنگىزىلىپ، 1214 ستۋدەنت قامتىلىپ، 152 شارۋا قوجالىقتارىمەن 1214 كەلىسىم-شارتتار جاسالعان.

بيىلعى وقۋ جىلىندا كوللەدج ديپلومىن العان 3533 تۇلەكتىڭ 480 ى اۋىلشارۋاشىلىق سالاسى بويىنشا ماماندار. الايدا 480 تۇلەكتىڭ 144 ى، ياعني 30 پايىزى عانا جۇمىسقا ورنالاسقان.

تاعى 18 تۇلەك جوعارى وقۋ ورىندارىنا قابىلدانىپتى.

- ءيا، كوللەدج تۇلەكتەرىن تۇراقتى جۇمىس ورىندارىمەن قامتۋ ماسەلەسى بار. سوندىقتان كاسىپورىن، جۇمىس بەرۋشىلەرگە كەپىلدەندىرىلگەن قاجەتتىلىكتى ۇسىنۋ مىندەتتەلسە دەگەن ۇسىنىس بار. كوللەدجدى بىتىرگەن تۇلەك جۇمىس بەرۋشى ۇسىنعان قاجەتتىلىككە ساي جۇمىسقا ورنالاساتىن بولسا دۇرىسەدى. بۇعان قوسا جۇمىس بەرۋشىلەردىڭ تاراپىنان كوللەدج تۇلەكتەرىنە زەينەت اقى تولەۋ قورى ارقىلى ءتيىستى اۋدارىمدار جۇيەلى تۇردە جىبەرىلسە. ويتكەنى قىزمەت كورسەتۋ سالاسى بويىنشا رەستوران، ماشينا جوندەۋ، شاشتاراز سالوندارى قولما-قول تولەم جاساۋمەن قۇتىلادى. سونداي-اق كوللەدجدەردىڭ اقىلى قىزمەت كورسەتۋىن جانداندىرۋ ماقساتىندا اۋدان اكىمدىكتەرى بارىنشا قولايلى جاعدايلار جاساپ، اۋىلشارۋاشىلىق ماقساتىندا جەر تەلىمدەرىن، ءىرى ساۋدا ورتالىقتارىنان ورىندار بولسە دۇرىس بولار ەدى، - دەيدى جامبىل وبلىس اكىمدىگى ءبىلىم باسقارماسىنىڭ باسشىسى راۋان سادىرقۇلوۆ.

تاعى ءبىر ايتا كەتەرلىگى، بۇگىندە وبلىستاعى 9 مەملەكەتتىك كوللەدجدىڭ يەلىگىندە 894 گەكتار اۋىلشارۋاشىلىق ماقساتىنداعى جەر تەلىمى بار. بۇل ەگىستىك جەرلەردىڭ 70 پايىزى يگەرىلگەن. جانە 10 كوللەدجدە 73 تەحنيكا، 57 قوسالقى تەحنيكا جۇمىس ىستەيدى. تەحنيكانىڭ 28 ى 2020 -جىلى «جاس مامان» جوباسى اياسىندا الىنعان.